27.05.2019 / 10:47

Mercedes GL, на якім ездзіць Шуневіч, стаяў пад знакам. Што яму пагражае за гэта? ФОТА 23

Блогер NEXTA апублікаваў у сваім Telegram-канале фотаздымкі вуліцы Вакзальнай у Мінску, з якіх вынікае, што машына, на якой ездзіць міністр унутраных спраў Ігар Шуневіч, стаіць пад знакам «Прыпынак забаронены».

Гэта уседарожнік Mercedes GL з нумарамі 9153 НК-7.

Пра тое, што машына мае дачыненне да міністра, сведчаць фота, якія маюцца ў агульным доступе — міністр часта з'яўляецца побач з гэтай машынай на такіх жа нумарах. 

Пад знакам «Прыпынак забаронены» спыняцца нельга нікому. Іначай можна атрымаць пісьмовае папярэджанне ці штраф памерам 25,5 рубля (адна базавая велічыня). Калі кіроўца парушае правілы паркоўкі не першы раз на працягу года, то яго аштрафуюць на 51 рубель.

Аднак штраф выпісваецца менавіта кіроўцу, а не ўласніку аўтамабіля.

Аўтаблогер Васіль Целагрэйкін у фэйсбуку звярнуў увагу, што па тэхнічных прычынах прыцягнуць да адказнасці Ігара Шуневіча не атрымаецца:

«На фота асабіста я не бачу, як Шуневіч паркуе аўто з парушэннем. Затое можна сказаць, што Шуневіч ліквідуе парушэнне, якое дапусціў нехта. Хто парушыў? А Бог яго ведае… Машынай карыстаюцца пяць чалавек, хто менавіта паставіў, — выклікайце, апытвалі. Усе скажуць «не я», і атрымліваецца недаказанасць ў сувязі з невысвятленнем асобы, якая падлягае прыцягненню да адказнасці. Гэта рабочая схема. Асабіста правяраў яе дзейснасць.

Дарэчы, на фота адсутнічае дата і час. Можна выказаць здагадку, што з моманту парушэння скончыліся тэрміны прыцягнення».

NN.by

2
bane / Адказаць
27.05.2019 / 10:55
хтож яго пакарае ? ён жа міністр !
2
Трактарыст-максімаліст / Адказаць
27.05.2019 / 11:10
Пытанне не ў тым, што яму за гэта будзе ці не будзе. Пытанне ў тым, што гэтая істота на кожным вуглу выставляе сябе як светач законнасці, павучае ўсіх блюсці закон, што да беззаконнікам не будзе ніякай літасці. А сам? Што гэта як не крывадушша? А у гэтай уладзе іншых і няма.
2
Лявон Баршчэўскі / Адказаць
27.05.2019 / 11:26
усе людзі роўныя перад законам, але кагорта яшчэ раўнейшых з кожным годам павялічваецца.
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру