6 чэрвеня ў «Акадэмкнізе» — прэзентацыя рамана Бахарэвіча «Собаки Европы» па-руску
Наклад кнігі «Сабакі Эўропы» па-беларуску быў распрададзены ў рэкордна кароткія тэрміны, нягледзячы на высокую цану выдання.
Акрамя некалькіх пісьменніцкіх прэмій, Альгерд Бахарэвіч атрымаў за «Сабак Эўропы» адну незвычайную ўзнагароду — спецыяльна для яго заснаваную чытацкую прэмію, якую ўдзячныя прыхільнікі ўручылі яму за тое, што ён «узняў сучасную беларускую літаратуру на зусім новы ўзровень». Гэты ўзровень заведама мае на ўвазе наднацыянальнасць, рух па-над моўнымі бар'ерамі.
Кніга спалучае ў сабе шэсць гісторый — тут уступаюць у дзіўныя алхімічныя рэакцыі гарады і мовы, людзі і сюжэты, вершы і траўмы, абрыўкі цытат і выдуманых успамінаў. «Сабакі Эўропы» Альгерда Бахарэвіча — раман аб чалавечай і нацыянальнай адзіноце, аб ілюзіях — пра дзяржаву, якой не трэба мінулае і якая ўпэўненая, што ў яе сілах адмяніць будучыню, пра дыктатуру слова, ускраіну імперыі і яе еўрапейскую тугу.
Руская версія рамана «Собаки Европы» ўвайшла ў лонг-ліст прэміі «Вялікая кніга», а 5 чэрвеня будзе абвешчаны шорт-ліст гэтай прэміі.
Прэзентацыя і аўтограф-сесія пройдзе ў кнігарні «Акадэмічная кніга» 6 чэрвеня ў 18.00 па адрасе пр. Незалежнасці, 72.
Набыць гэтыя ды іншыя новыя выданні і бестселеры, можна ў кнігарні «Акадэмічная кніга» (пр. Незалежнасці, 72).
РУП «Акадэмічная кніга» УНП 101462648
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9
Каментары