Delfi
Высветлілася, што ў зарэгістраваных у Літве і Польшчы кампаніях, якія належаць грамадзяніну Украіны, нелегальна працавалі рабочыя з Беларусі і Украіны, піша Delfi.
Адна з кампаній складала дамовы з работнікамі, каб аддаць іх падрадчыкам, аднак аб працаўладкаванні не паведамляла, таму не плаціла ні агульныя падаткі, ні падатак на ахову здароўя. Як падазраюць, гэтых работнiкаў не працаўладкавалі і ў Польшчы — ім давалі падпісаць дакументы на польскай мове.
Нібы працаўладкаваных у Польшчы работнікаў адпраўлялі ў камандзіроўку ў Літву, выдавалі спецыяльны камандзіровачны ліст як доказ, што яны працуюць у польскай кампаніі. Самі работнікі былі ўпэўненыя, што працуюць афіцыйна. Заробак рабочым плацілі наяўнымі, часта яны ставілі свае подпісы ў неафіцыйных дакументах аб выплаце заробкаў. Нягледзячы на тое, што абедзве гэтыя кампаніі куплялі рабочую вопратку, сродкі для бяспекі (шлемы, пальчаткі і інш.). Гэтыя выдаткі яны вылічвалі з заробкаў работнікаў. Зарэгістраваная ў Літве кампанія ўдзельнічала ў шматлікіх конкурсах, а, атрымаўшы перамогу ў іх, падпісвала пагадненні з субпадрадчыкам. Адзін з яе аб'ектаў — гара Гедыміна.
Пасля таго як на рахунак кампаніі паступалі грошы, дырэктар абнаяўліваў іх ці пераводзіў на асабісты рахунак як крэдыт, а потым здымаў грошы ў банкаматах. Усяго было знята 200 000 еўра. Каля 90 000 еўра перавялі на рахунак зарэгістраванай у Польшчы кампаніі. гэтыя грошы потым таксама знялі.