30.05.2019 / 15:28

Як выглядаюць першыя мікрааўтобусы беларускай вытворчасці ФОТА 19

Мінскі аўтамабільны завод афіцыйна запусціў продаж грузавых фургонаў МАЗ-365022 і мікрааўтобусаў МАЗ-281040, зборачная вытворчасць якіх разгарнулася ў Брэсце. Кошт мікрааўтобуса ў стандартнай камплектацыі складае 62 196 рублёў (прыкладна $30 тыс.). У параўнанні з мадэлямі еўрапейскіх вытворцаў выходзіць танней.

У Брэсце выпускаюць дзве мадэлі аўтамабіляў. Мікрааўтобусы МАЗ-281040 і фургоны МАЗ-365022 аснашчаны турбадызельнымі маторамі магутнасцю 150 «коней», якія працуюць у пары з «механікай». Абедзве машыны адпавядаюць класу Еўра-5 і могуць выкарыстоўвацца ў краінах СНД, ЕАЭС і ва Украіне.

Мікрааўтобус вылучаюць досыць значныя габарыты і ўмяшчальнасць. Даўжыня — 6 метраў, шырыня — 2,1, вышыня — 2,65 м, а колавая база — 3,57 м. Салон можна выбраць самастойна — ад грузавога да пасажырскага з 16 сядзеннямі, не лічачы месца кіроўцы. Для пасажыраў ўсталяваныя ссоўныя дзверы. У базавы камплект уваходзяць камфартабельныя сядзенні з рэгуляваннем нахілу спінкі, кандыцыянер, круіз-кантроль і магнітола. Прадугледжаны таксама задні парктронік і электронная сістэма размеркавання тармазных высілкаў.

На мікрааўтобусы і фургоны МАЗ дзейнічае гарантыя на 36 месяцаў ці 100 000 км прабегу, у залежнасці ад таго, якая ўмова наступіць раней.

NN.BY

10
Mob100 / Адказаць
30.05.2019 / 15:49
а в чем инновация? теперь будут перевозчиков обязывать закупать это? рынки сбыта маркетологи проработали или президент опять будет ездить и впаривать?
20
Vox Populi / Адказаць
30.05.2019 / 16:00
Нешта "Газэлью" смярдзіць..
2
Vasil Shelekhaw / Адказаць
30.05.2019 / 16:14
Не дадалі толькі інфу пра рухавікі. А гэта JAC HFC4DE1-1D кітайскай вытворчасці.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру