21.01.2009 / 14:11

2800 самазабойстваў за мінулы год 3

60% працэнтаў ад агульнай колькасці суіцыдаў здзейснена ў п’яным стане.

У 2008 годзе ў Беларусі было зафіксавана 2800 самазабойстваў, пра гэта ў сераду на прэс‑канферэнцыі паведаміў генеральны пракурор Рыгор Васілевіч. 60% працэнтаў ад агульнай колькасці суіцыдаў здзейснена ў п’яным стане.

Беларусь займае адно з вядучых месцаў у свеце па колькасці самагубстваў на душу насельніцтва. Да прыкладу ў пажарах летась загінула толькі каля тысячы чалавек.

Апошнім часам назіраецца змяншэнне колькасці забойстваў. У 2008 у краіне іх было 645, у 2006 — 961. Разам з тым, Васілевіч кажа, што да ўзроўні 1985 году яшчэ не дацягвае, хаця пазітыўная тэндэнцыя і назіраецца. На вясках на 10 тысяч чалавек насельніцтва забойствы здараюцца ў тры з паловай разы часцей, чым у гарадах.

Сярод самых крымінагенных раёнаў краіны Генеральны пракурор назваў — Бабруйскі, Віцебскі, Пухавіцкі, Брэсцкі, Аршанскі. У невялікім Крупскім раёне летась было ажно сем забойстваў.

Сярод міністэрстваў найболей карупцыйных злачынстваў было ў Міністэрстве прамысловасці, затым ідуць сельскай гаспадаркі і гандлю.

Агульная колькасць злачынстваў летась склала 158 тысяч. 37% з іх былі здзейсненыя ў стане ап’янення. Зрэшты, і тут назіраецца станоўчая дынаміка. У 2006 іх было 191 тысяча.

Фота Юлii Дарашкевiч

Зміцер Панкавец

0
крыміналіст / Адказаць
21.01.2009 / 14:33
Дзякуй. Паправілі.
0
крыміналіст / Адказаць
21.01.2009 / 16:26
Апошнім часам назіраецца змяншэнне колькасці забойстваў. У 2008 у краіне іх было 645, у 2006 — 961. ========== Тут адразу дзьве няпраўды. Першая: "апошнім часам". Гэта было б праўда, калі б колькасьць забойстваў памяньшалася ў 2007 у параўнаньні з 2006, і ў 2008 у параўнаньні з 2007. Тым часам, слушнай ёсьць толькі другая частка (у 2008 у параўнаньні з 2007). Другая: правярайце словы пракурора. Калі ён сапраўды так сказаў на прэс-канферэнцыі, то гэта брахня. У 2006 годзе было 961 забойства + замахі. Менавіта забойстваў было 725. У 2006 - 791. І нарэшце ў 2008 - 645. Такім чынам, памяньшэньне колькасьці забойстваў ад 2006 да 2008 склала не 961 і 645, а 725 і 645. Такім чынам, зьмяньшэньне на на траціну (больш за 30%), а на 11%. Выпраўляйце!
0
Леся / Адказаць
22.01.2009 / 11:26
Н-да..... Дрэнна...... Але трэба лепш памеркаваць: чаму яны так???? А ўжо потым каментаваць факт.....
Каб пакінуць каментар, калі ласка, актывуйце JavaScript у наладах свайго браўзеру