На касцёл у Мсціславе, што разбураецца, збіраюцца вылучыць 550 тысяч рублёў. Але не для рэканструкцыі
На кансервацыю касцёла ў Мсціславе плануецца вылучыць каля 550 тысяч рублёў, з іх больш за 220 тысяч паступяць з фонду прэзідэнта па падтрымцы культуры і мастацтва, сказаў начальнік упраўлення культуры Магілёўскага аблвыканкама Алег Стальмашок, піша Sb.by.
Езуіцкі касцёл арханёла Міхаіла ў Мсціславе — помнік архітэктуры XVIII стагоддзя. Храм пачаў разбурацца даўно. Улетку 2017 калона і аркі са скляпеннем, якія яна трымала, абрынуліся з-за таго, што няма даху. Праз 2 месяцы развалілася частка сцяны. Будынак экстрана абгарадзілі. У суседняй школе мастацтваў спынілі заняткі.
Грамадскія актывісты і журналісты заклікалі ўлады захаваць гістарычную спадчыну. Міністэрства культуры Беларусі падрыхтавала пералік першачарговых мер. Пачаўся збор сродкаў і практычна «выратавальная аперацыя» на аб'екце.
Каментары