12 чалавек сталі ахвярамі страляніны ў амерыканскім горадзе Вірджынія-Біч. Сярод загінулых аказаўся 35-гадовы ўраджэнец Магілёва Аляксандр Гусеў, паведамляюць амерыканскія выданні.
Аляксандр Гусеў, pilotonline.com.
31 мая ў муніцыпальны комплекс у Вірджыніі-Біч увайшоў супрацоўнік установы і адкрыў агонь па калегах. Сама меней 12 чалавек загінулі. Падчас страляніны ў будынку было каля 400 чалавек. Стралка забілі падчас перастрэлкі з паліцыяй.
Сярод загінулых — ураджэнец Магілёва Аляксандр Гусеў, які эміграваў у ЗША ў 2003 годзе. Пасля пераезду Аляксандр скончыў амерыканскі каледж і атрымаў ступень бакалаўра ў грамадзянскім будаўніцтве. Спачатку ён працаваў у лесанарыхтоўчай кампаніі, а затым 9 гадоў працаваў агентам па зямельных участках у муніцыпалітэце Вірджыніі-Біч.
У ЗША таксама жыве брат-блізнюк Аляксандра Аляксей Гусеў і іх маці, а вось бацька застаўся ў Беларусі.
