Мы дачакаліся! velcom | A1 правёў інтэрнэт ва ўсе тунэлі мінскага метро
Правайдар тэлекам-, ІКТ- і кантэнт-паслуг velcom | A1 завяршыў праект па запуску мабільнай сувязі і інтэрнэту ў перагонах паміж станцыямі Мінскага метрапалітэна. Абаненты кампаніі атрымалі магчымасць карыстацца рознымі відамі мабільных паслуг на ўсёй працягласці метро — 37,3 км.
Праект рэалізавалі ў максімальна сціслыя тэрміны: да кастрычніка 2018 года былі завершаны ўсе падрыхтоўчыя працы і пачаты мантаж абсталявання ў перагонах, а з красавіка па май 2019 года правялі паэтапны запуск сувязі ў тунэлях метро на розных участках Маскоўскай і Аўтазаводскай ліній. Цяпер рабіць галасавыя выклікі і ў фармаце HD-Voice, карыстацца мабільным інтэрнэтам можна не толькі на платформах метро, але і падчас руху цягніка.
«Аналіз галасавога і інтэрнэт-трафіку паказвае, што беларускія абаненты сотавай сувязі высока ацанілі магчымасць карыстацца ўсімі даступнымі паслугамі мабільнай сувязі паўсюдна, у тым ліку ў метро. Зараз такая магчымасць у жыхароў і гасцей Мінска будзе літаральна ўсюды, дзе б яны ні знаходзіліся, — і нам вельмі прыемна, што аднымі з першых ацаніць усе перавагі бесперабойнай сувязі на ўсім працягу паездкі змогуць менавіта абаненты velcom | A1», — адзначыў першы намеснік генеральнага дырэктара velcom | A1 Мікалай Юшкевіч.
Рэалізацыі праекта папярэднічаў перыяд тэставай эксплуатацыі: з красавіка 2016 года тэхналогія, якая пакладзена ў яго аснову, выпрабоўвалася ў перагоне паміж станцыямі «Пятроўшчына» і «Малінаўка».
Рашэнне, прапанаванае спецыялістамі velcom | A1, заключалася ў пракладцы па сценах тунэляў метро выпраменьвальнага кабеля (фідара). Ён падключаецца да базавых станцый і служыць крыніцай устойлівага сігналу для пасажыраў метрапалітэна, замяняючы сабой звыклыя антэны сотавай сувязі.
Распрацаванае і пратэставанае velcom | A1 рашэнне было паспяхова маштабавана кампаніяй на ўсе астатнія ўчасткі. Больш за тое, менавіта яно паслужыла тэхнічнай асновай для рэалізацыі міжаператарскага праекта па забеспячэнні сувяззю ўсіх перагонаў мінскага метро, прымеркаванага да правядзення ў Мінску II Еўрапейскіх гульняў, афіцыйным аператарам сувязі якіх з'яўляецца velcom | A1.
Цяпер чытаюць
Чаму ў беларускай турме так моцна худзеюць? Тлумачым11
Каментары