president.gov.ua
Абвастрэнне канфлікту на Данбасе — не лепшы фон для аднаўлення перамоў у Мінску, заявіў прэзідэнт Украіны Уладзімір Зяленскі. Паводле яго слоў, падчас нядаўняга абстрэлу на Данбасе загінулі трое вайскоўцаў, яшчэ тры чалавекі атрымалі раненні.
«Хачу звярнуцца да кіраўніцтва Расійскай Федэрацыі і камандаванню яе акупацыйных сіл на Данбасе. Абвастрэнне канфлікту — не лепшы фон для аднаўлення перамоў у Мінску. Нам не трэба лішні раз нагадваць пра магчымасць эскалацыі вашай агрэсіі», - напісаў Зяленскі ў сваім фэйсбуку.
Ён таксама дадаў, што мае намер абмеркаваць сёння «з еўрапейскімі калегамі» адкрытую дэманстрацыю гэтай агрэсіі. «А ўкраінская дэлегацыя ў Мінску нагадае аб недапушчальнасці спробаў дыялогу з намі з пазіцыі сілы», — паабяцаў прэзідэнт Украіны.
