На пальцах адной рукі можна пералічыць усе незалежныя грамадска-палітычныя друкаваныя газеты, якія выходзяць у Беларусі. «Народная Воля» — найбольш папулярная з іх.
Як і «Наша Ніва», яна — за нацыянальнае адраджэнне. Для журналістаў «Народнай Волі» няма забароненых тэм, як і недатыкальных асоб. Свабода слова, плюралізм меркаванняў, змаганне за тое, каб Беларусь нарэшце стала сапраўднай дэмакратычнай краінай — вось галоўныя прынцыпы рэдакцыйнага калектыву.
Вядома ж, сіла газеты — у згуртаванасці яе прыхільнікаў. Паколькі поўным ходам ідзе падпіска на другое паўгоддзе, то ва ўсіх, хто хоча дапамагчы «Народнай Волі», ёсць магчымасць зрабіць гэта, не выходзячы з дому. Заходзьце, калі ласка, на сайт Belpressa.by і праводзьце аплату праз сістэму «Расчет» (АРІП).
Пры гэтым заўважым, тэрмін афармлення падпіскі праз інтэрнэт на ліпень—снежань 2019 года — да 20 чэрвеня.
Застаецца і традыцыйная форма падпіскі на «Народную Волю». Толькі майце на ўвазе: каб не застацца без любімай газеты з 1 ліпеня, у такім разе вам неабходна зазірнуць у любое паштовае аддзяленне да 26 чэрвеня. Спецыялізаваныя пункты «Белсаюздруку» будуць прымаць аплату за падпіску на ліпень да 23 чэрвеня. Кошт месячнага камплекта нумароў менш за 8 рублёў. Падпісныя індэксы: 63222 — для індывідуальных падпісчыкаў, 632222 — для прадпрыемстваў, арганізацый.
Нагадваем: у найбліжэйшыя месяцы Беларусь чакаюць вялікія падзеі. На старонках «Народнай Волі» яны знойдуць аператыўнае і аб’ектыўнае адлюстраванне. Таму звярніце ўвагу на наступныя радкі:
Калі хочаш лепшай долі —
дапамажы «Народнай Волі».
У свеце ПРАЎДЫ жыць імкніся,
на газету падпішыся!
