30-гадовы жыхар Гродна выйшаў са свайго дома і ўбачыў, што на зямлі ляжаць дзве разарваныя 100-даляравыя купюры. Мужчына падабраў іх. Пазней склеіў банкноты і накіраваўся ў банк для абмену на беларускія рублі. Аднак касір адразу ж вызначыла, што купюры з'яўляюцца падробленымі. Па гэтай прычыне іх разарвалі, а мужчына, які іх знайшоў, не падазраючы падвоху, склеіў даляры і спадзяваўся іх абмяняць, паведамляе міліцыя.
Грамадзянам варта памятаць, што пры атрыманні грашовых сродкаў (як валюты, так і беларускіх рублёў) трэба праверыць іх сапраўднасць. Як правіла, якасць «падробак» невысокая, таму на іх адсутнічаюць нават элементарныя вадзяныя знакі.
0
0
0
0
0
0
