Першы ў Беларусі кабінет лячэння болю адкрываецца на базе Магілёўскай лякарні № 1, паведамляе Mogilevnews. Ён абсталяваны неабходнай тэхнікай, а яго загадчык доктар-анестэзіёлаг-рэаніматолаг бальніцы Сяргей Гапановіч і яго калегі ўжо аказваюць спецыялізаваную дапамогу першым пацыентам, якія маюць патрэбу ў сістэмным лячэнні хранічнага болевага сіндрому.
— Медыцына болю — вельмі важны напрамак аховы здароўя ўсіх перадавых краін свету, які інтэнсіўна развіваецца, — распавядае намеснік галоўнага лекара бальніцы Аляксей Шчарбінскі. — Нярэдка лекары сутыкаюцца з сітуацыяй, калі боль не проста сімптом хваробы, а сам з'яўляецца хранічнай паталогіяй, мучыць чалавека гадамі і патрабуе пэўнага лячэння (болі спіны, галавы, тазавыя…). Па міжнароднай статыстыцы кожны пяты жыхар планеты пакутуе ад хранічнага болевага сіндрому. У многіх краінах гэтай праблемай займаюцца кабінеты і клінікі болю. У Эстоніі, напрыклад, з насельніцтвам менш за паўтара мільёна чалавек функцыянуе больш за 10 кабінетаў болю.
Сяргей Гапановіч працуе ў гэтым кірунку ўжо больш за 5 гадоў. Стажыраваўся ў шэрагу краін, у тым ліку ў клініцы болю ў Кёльне. Сёння лячэннем хранічнага болевага сіндрому заняты не толькі ён, яго калегі анестэзіёлагі-рэаніматолагі, але і лекары іншых аддзяленняў бальніцы. Падтрымліваюць доктара Гапановіча і яго калегаў у гэтых распрацоўках адміністрацыя бальніцы і галоўны анестэзіёлаг-рэаніматолаг краіны Аляксандр Дзядзько. А ў мінулым годзе Сяргей Уладзіміравіч атрымаў грант Лукашэнкі на развіццё тэмы. І вось зараз адкрыццё першага ў Беларусі кабінета лячэння болю — паспяховая рэалізацыя гэтага праекта.
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары