07.06.2019 / 22:51

Гамяльчук паскардзіўся ў ДАІ на тое, што Лукашэнка хадзіў з роварам па праезнай частцы 10

Павел з Гомеля называе гэта актыўнай жыццёвай пазіцыяй. Убачыўшы навіну пра наведванне Аляксандрам Лукашэнкам пасёлка Балбасава, ён звярнуў увагу на той факт, што кіраўнік дзяржавы і яго людзі ідуць з роварамі ў руках па праезнай частцы пры наяўнасці двух тратуараў. Пра гэты факт ён паведаміў у ДАІ Гомеля. Там абяцалі правесці праверку і ва ўсім разабрацца, піша ABW.BY.

У мінулыя выходныя Аляксандр Лукашэнка вырашыў пракаціцца на веласіпедзе па Аршанскім раёне. Гэта была неафіцыйная паездка, у ёй кіраўніка краіны не суправаджалі СМІ.

Чытайце таксама: Лукашэнка пракаціўся па Балбасаве з малодшым сынам ВІДЭА

На адным з відэа, распаўсюджаных у сацсетках, відаць, як Лукашэнка, ведучы ў руках ровар, сыходзіць з тратуара на праезную частку і, відавочна, далей ідзе па ёй. З яго ўзялі прыклад і асобы, што суправаджалі Лукашэнку. І менавіта гэты факт выклікаў пытанні ў гамельчука Паўла, на вачах якога не раз ДАІ Гомеля штрафавала пешаходаў за такое ж парушэнне.

— Гэтыя кадры распаўсюдзілі многія СМІ, — каментуе сваё рашэнне Павел. — Рух транспартных сродкаў, як я зразумеў, не перакрываўся, гэта было незапланаванае мерапрыемства, калі так робяць. Таму я паведаміў у дзяжурную часць ДАІ Гомельскага аблвыканкама аб факце магчымага правапарушэння і папрасіў, каб там далі прававую ацэнку таму, што адбылося.

Як распавёў журналісту ABW.BY Павел, яму ўжо два разы патэлефанавалі з ДАІ. Даішнікі паведамілі, што яго паведамленне прынялі, па ім распачаты адміністрацыйны працэс, пасля завяршэння праверкі будзе дадзена прававая ацэнка дзеянням асоб, зафіксаваных на відэа і фота. Таксама мужчыну папрасілі прыехаць у ДАІ для правядзення апытання, што ён адмовіўся рабіць, настойваючы на ​​тым, каб супрацоўнікі ДАІ апыталі яго ў больш зручным для яго іншым месцы.

Нагадаем, што гэта не першы раз, калі грамадзяне так востра рэагуюць на парушэнні ПДР. У кастрычніку 2015 года ўважлівыя чытачы ўбачылі, што Лукашэнка ездзіў, не прышпіліўшыся рэменем бяспекі, па МКАД-2, тэстуючы аўтамабіль Geely, сабраны ў Беларусі. Тады Лукашэнку не аштрафавалі. Начальнік ДАІ, які не аштрафаваў Лукашэнку, заявіў тады журналістам, што ён абапіраўся на Канстытуцыю краіны.

Чытайце таксама: Ці аштрафуюць Лукашэнку за непрышпілены рэмень бяспекі? ФОТАФАКТ

3
фелікс / Адказаць
07.06.2019 / 22:56
Відаць, хутка да Паўла прыедуць з СК і паведамяць, што ён замініраваў выканкам.
1
Свободный / Адказаць
07.06.2019 / 23:00
Нууу машин же нет скажут) А вообще фон напоминает фильм чернобыль НБО
1
Виталий Cпикин / Адказаць
07.06.2019 / 23:03
Обещали провести проверку и во всём разораться)))
Кто бы сомневался, конечно же разберутся. Пришив какое мелкое хулиганство жалобщику на его величество..... 
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру