11.06.2019 / 11:42

Як кот вучыцца хадзіць на чатырох пратэзах ВІДЭА 1

Пратэзаванне неабходна не толькі людзям, але і жывёлам. Прычым для жывёл эрганоміка штучнай канечнасці ці не важней як чалавеку — бо жывёла не можа зразумець, што нязручны пратэз нельга грызці або спрабаваць зняць.

На гэтым відэа відаць першыя крокі пацыента пасля аперацыі і зажыўлення тканак. Кот Рыжык з расійскага Томска гэтай зімой адмарозіў лапы, і, каб не дапусціць развіцця сепсісу, ветэрынары былі вымушаныя ампутаваць яму частку кожнай лапы. На шчасце, праз некалькі месяцаў для яго стварылі індывідуальныя пратэзы і правялі складаную шматгадзінную аперацыю па ўкараненні пратэзаў. Такія штучныя лапы вырабляюцца на аснове камп'ютарнай тамаграфіі і пластыкавага макета, піша popmech.ru

Кошкі могуць прыстасавацца да страты канечнасці, але не ў гэтым выпадку — усе чатыры лапы страчаныя і няма магчымасці размеркаваць большую частку нагрузкі на здаровую. З часам жывёла разбіла б куксы і пагоршыла траўму, таму пратэзы патрабавалася зрабіць як мага хутчэй, з чым ветэрынары па просьбе гаспадыні справіліся.

NN.by

9
Максим Дизайнер / Адказаць
11.06.2019 / 16:32
Где медведи?Где балалайки?Я вас спрашиваю!Где водяра?
Каб пакінуць каментар, калі ласка, актывуйце JavaScript у наладах свайго браўзеру