Лукашэнка пра МУС і цыган: Не трэба бульдозерам перці на ўсё, што перад табой. Трэба было выбачыцца
Аляксандр Лукашэнка падкрэсліў сёння важнасць справядлівага стаўлення да людзей, асабліва з боку супрацоўнікаў праваахоўных органаў. Пра гэта ён заявіў сёння, прызначаючы Юрыя Караева на пасаду кіраўніка МУС, піша БелТА.
Кіраўнік дзяржавы параіў міністру быць бліжэй да людзей і непасрэдна разбірацца ў праблемах. «Не трэба, як вось адбылося з цыганамі, — Наталля Іванаўна (Качанава) ездзіла, разбіралася па маім даручэнні. Абражалі людзей ні за што. Дык трэба было выбачыцца», — сказаў ён.
Ён адзначыў, што калі зафіксавана нейкае правапарушэнне або злачынства, то ў першую чаргу адпрацоўваюцца асобы, якія раней здзяйснялі падобнае. «Калі вы дзесьці парушалі, ёсць спіс. У кожнага аддзела міліцыі ёсць спіс», — растлумачыў Аляксандр Лукашэнка. Больш за тое, у выпадку са смерцю супрацоўніка праваахоўных органаў у Магілёве падазрэнне першапачаткова па яго ж наводцы пала на канкрэтную групу грамадзян.
«Перабралі. Убачылі, што яны не вінаватыя. Дык ідзіце і проста папрасіце ў іх прабачэння, — сказаў Аляксандр Лукашэнка. — І людзі зразумеюць. Не трэба плугам ці бульдозерам перці на ўсё, што перад табой. Недзе трэба і акуратней, дзесьці аб'ехаць. А не атрымалася — выбачайся».
«Трэба разумна. Не трэба людзей лічыць сваімі ворагамі: ах, там вось гэтыя цыганы, яны такія і гэткія… Нармальныя яны людзі. Што, сярод беларусаў, рускіх, габрэяў ці палякаў у нас тут няма злачынстваў? Ды хапае! Справядлівасць павінна ляжаць у аснове ўсяго, асабліва ў тых, хто носіць пагоны. Бо да людзей у пагонах бягуць па абарону. Народ бяжыць, каб іх абаранілі. А калі ты яго адпіхваеш і крыўдзіш, гэта вельмі баліць чалавеку», — рэзюмаваў Лукашэнка.
Шуневіч: У мяне няма ні нагоды, ні падставаў выбачацца перад цыганамі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі12
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3939
Каментары