11.06.2019 / 14:58

СМІ: Забіты зводны брат Кім Чэн Ына быў інфарматарам ЦРУ 3

У час сваёй апошняй паездкі Кім Чэн Нам перасякаўся з амерыканскім агентам на адным з малайзійскіх курортаў.

Пра гэта 10 чэрвеня напісала выданне «Уол-стрыт джорнал» са спасылкай на асобу, «якая ў курсе справы».

Ён быў зводным братам дыктатара Паўночнай Карэі, яго забілі ў 2017 годзе ў Куала-Лумпуры. «Была сувязь» між амерыканскім шпіёнскім ведамствам і Кімам, сцвярджае крыніца інфармаванага амерыканскага выдання.

45-гадовага Кім Чэн Нама забілі нервова-паралітычным газам у аэрапорце малайзійскай сталіцы. Чатыры паўночнакарэйцы, меркаваныя арганізатары тэракта, паспелі адляцець рэйсам у Пхеньян. 

Забіты Кім жыў пераважна ў Макаа і Сінгапуры. Да 2001 года ён разглядаўся як патэнцыйны пераемнік Кім Чэн Іра, пасля страціў давер.

Амерыканская выведка паслядоўна збірае інфармацыю пра КНДР і яе вярхоўку, хоць гэта не проста рабіць у цалкам закрытай для свету краіне. У 2017 годзе ЦРУ характарызавала Кім Чэн Ына як «быка», чалавека брутальнага, але пры гэтым рацыянальнага. У Кім Чэн Наму лідарскага патэнцыялу амерыканскія спецслужбы не бачылі, пісалі ў тым самым годзе СМІ са спасылкай на крыніцы.

Сяргей Гезгала; фота Wikipedia Commons

1
Дзядзька / Адказаць
11.06.2019 / 17:00
Канкурэнта прыбрау і усё.
10
Звонкие бубенцы / Адказаць
12.06.2019 / 10:08
Разоблочили предателя! У нас сейчас в Белоруссии каждый второй бульбобандеровец работает на ЦРУ, чтобы подорвать суверинитет Союзного Государства. Но мы этим сепоратистам проходу не дадим, вычленяем каждого! Для Союзного Государства превыше всего его территориальная целостность и спокойствие граждан!
0
Дед Мороз / Адказаць
25.06.2019 / 02:06
почти как новичком
Каб пакінуць каментар, калі ласка, актывуйце JavaScript у наладах свайго браўзеру