На Палессі закупачныя цэны на клубніцы ўпалі да 20 капеек. Людзі выкідваюць ягады проста пад ногі
Лунінеччына завалена клубніцамі. З-за адсутнасці збыту людзі выкідваюць ягаду проста ў поле, паведамляе Медыя-Палессе
Нават па 20 капеек людзі пад вечар 11 чэрвеня не маглі здаць ягады — бочкі затарыліся і з'ехалі. Вось і вярнулі зямлі тое, што яна дала.
Сухую буйную ягаду скупшчыкі бралі па 50 капеек, яшчэ і чапляліся. Некалькі вёдраў людзі высыпалі проста на рынку, пад ногі скупшчыкам.
«За два вядры адборнай ягады, адна ў адну, я атрымала 7 рублёў. Не каштуе яна працы, каб нават выбраць, не кажучы ўжо пра тое, каб вырасціць», — скардзіцца адна жанчына.
«Лягчэй пад плот выкінуць. Альбо хай на кустах знікае», — пацвярджае іншая.
Трэція скардзяцца на мясцовую ўладу, якая не падрыхтавалася так, як мае быць, да сезона. Рынак — рынкам, але, каб даць мясцовым жыхарам зарабіць, стварыўшы хоць бы нейкую канкурэнцыю для дзяржзакупкі, трэба было паклапаціцца загадзя. Ды і цяпер можна паспець хоць неяк выправіць сітуацыю, дадае Медыя-Палессе.
Выкінутая пад ногі ягада — гэта своеасаблівы пратэст. І ганьба.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
Цяпер чытаюць
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары