12.06.2019 / 16:09

Беларуская чыгунка закупіла новыя расійскія пасажырскія вагоны ФОТЫ 20

На станцыю Мінск-Пасажырскі прыбылі 14 плацкартных вагонаў вытворчасці Цвярскога вагонабудаўнічага завода. У бліжэйшы час яны будуць задзейнічаны на самых запатрабаваных напрамках у зносінах з Расіяй, піша «Звязда».

Плацкартавыя вагоны разлічаны на рух з хуткасцю да 160 км/г. Яны маюць сучасны інтэр'ер, прыстаўна-ссоўныя ўваходныя дзверы і рассоўныя дзверы міжвагонных пераходаў, аўтаматычную сістэму адкрыцця, закрыцця і блакіроўкі.

У вагонах устаноўлены кандыцыянеры, экатуалеты, сістэмы абеззаражання вады і паветра, відэаназірання і кантролю бяспекі ў дарозе. У салонах 54 спальныя месцы.

Кожны пасажыр можа скарыстацца персанальнай разеткай або USB-раздымамі для зарадкі мабільных прылад. Тэрмін службы гэтых вагонаў да 40 гадоў.

Да канца чэрвеня на Беларускую чыгунку паступяць 16 купэйных вагонаў. У 8 з іх абсталяваны купэ для перавозкі асоб з інваліднасцю, а таксама тых, хто іх суправаджае.

10
LitvinM / Адказаць
12.06.2019 / 16:13
Так у нас здаецца есьць Штадлер, так на кой .... нам гэтыя маскоўскія вагоны?
8
Мірон / Адказаць
12.06.2019 / 16:33
Сучасны інтэрер?? гэта, хіба, жарт.
6
Скураныя крылы / Адказаць
12.06.2019 / 16:42
"Тэрмін службы гэтых вагонаў да 40 гадоў
https://nn.by/?c=ar&i=232072". Гэта вырак.

Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру