Адзінаццацікласнік, адгуляўшы выпускны ў вёсцы Копці (Лёзненскі раён), паехаў 9 чэрвеня да сваёй бабулі ў Крынкі, дзе абакраў прыватную краму, паведамляе УУС Віцебскага аблвыканкама.
Хлопец скраў з касы 2790 утаргаваных рублёў, цыгарэты, дастаў жорсткі дыск з сістэмы відэаназірання. Пальчаткі і красоўкі, якія былі на ім у момант злачынства, спаліў. А для таго, каб канчаткова схаваць свае сляды, ён абліў магазін воцатам.
Раніцай гаспадар крамы пабачыў, што яго абрабавалі, і звярнуўся ў міліцыю. Службовы сабака без праблем змог адшукаць злодзея па ўедлівым паху воцату. Усё выкрадзенае канфіскавалі.
0
0
0
0
0
0
