У Мінску на вуліцы Лынькова рабочы зваліўся з вышыні пятага паверха, але неўзабаве змог пайсці дадому. Пра гэта паведаміў Telegram-канал Volna.
Telegram-канал Volna.
Здарэнне адбылося па адрасе: Лынькова, 61. Рабочы ўпаў з вышыні пятага паверха разам з будаўнічай люлькай.
«Люлька ўшчэнт, а хлопец абышоўся парай драпін», — паведаміў Telegram-канал.
Афіцыйны прадстаўнік Следчага камітэта Ілья Басько пацвердзіў Tut.by інфармацыю пра падзенне рабочага.
26-гадовы мужчына рамантаваў жылы дом, калі будаўнічая люлька, у якой ён знаходзіўся, абрынулася з пятага паверха.
— Рабочы быў траўмаваны, яго даставілі ва ўстанову аховы здароўя, аказалі медыцынскую дапамогу і адпусцілі дадому, — паведаміў Ілья Басько.
Следчыя разам з прадстаўнікамі Дэпартамента дзяржаўнай інспекцыі працы высвятляюць прычыны здарэння.