У самаабвешчанай Данецкай народнай рэспубліцы (ДНР) назвалі арганізатараў забойства 31 жніўня першага кіраўніка ДНР Аляксандра Захарчанкі. Пра гэта супрацоўнік спецслужбаў кантраляванай Расіяй тэрыторыі ананімна распавёў у эфіры тэлеканала «Расія-1».
Паводле яго слоў, да арганізацыі тэракту, у выніку якога загінуў Захарчанка, датычны памочнік начальніка 5-га ўпраўлення контрразведкі Службы бяспекі Украіны (СБУ) Сяргей Маторын. Служачы распавёў, што Маторын — выхадзец з Данбаса і раней служыў у Славянску. Таксама ён мае дачыненне да гібелі Арсена Паўлава, вядомага як Матарола.
Спецслужбы «ДНР» сцвярджаюць, што затрымалі агентаў СБУ Сяргея Бешту, Уладзіслава Зайцава і іншых. Яны раскрылі інфармацыю пра сваіх куратараў ў ведамстве, сярод якіх былі названыя начальнік 5-га ўпраўлення контрразведкі СБУ Раман Чарвінскі, а таксама яго намеснікі Максім Папоў і Аляксандр Поклад.
