Жаночая зборная Беларусі па валейболе 15 чэрвеня перамагла ў гасцях каманду Іспаніі. Сустрэча праходзіла ў Алікантэ. Цягам гульні нашы дзяўчаты перамагалі з лікам 2:0, але іспанкі адыграліся. Толькі ў пятай вырашальнай партыі шанцаванне схілілася на беларускі бок — 15:9. Беларускі перамаглі ў сустрэчы з лікам 3:2.
Такім чынам, зборная Беларусі па валейболе заняла першае месца ў групе Еўралігі, дзе, апроч нашых былі іспанкі, фінкі і азербайджанкі. Нашы выйшлі ў фінал чатырох Залатой жаночай Еўралігі. Ён адбудзецца 21-22 чэрвеня ў Харватыі.
Адразу на наступны дзень гульцы каманды выклалі ў інтэрнэт здымак у купальніках. «Без вашай падтрымкі не былі б магчымыя нашыя перамогі», — напісалі яны.
