17.06.2019 / 16:52

Салігорскія шахцёры знайшлі парэшткі ракаскарпіёна, якім 350 мільёнаў гадоў ФОТА 20

Каштоўная знаходка часоў палеазойскай эры зробленая ў Чырвонаслабодскім рудніку. На кавалку здабытай з шахтавага поля пароды работнікі заўважылі незвычайны малюнак, які аказаўся парэшткамі ракаскарпіёна, паведамляе БелТА.

Ракаскарпіён з'яўляецца пераходнай формай паміж марскімі і сухапутнымі членістаногімі. Навукоўцы ацэньваюць узрост такіх знаходак у 350-360 млн гадоў. Гэта значыць, яны адносяцца да атрада эўрыптэрыдаў, якія жылі ў дэвонскі перыяд палеазойскай эры, які працягваўся 60-61 млн гадоў, быў адзначаны першым выхадам жывёл на паверхню сушы. Лічыцца, што ракаскарпіёны маглі дасягаць 2 м і былі самымі буйнымі членістаногімі, што існавалі на Зямлі. У канцы палеазою іх выціснулі з воднай стыхіі буйныя драпежнікі — рыбы. На сушы нашчадкамі ракаскарпіёна сталі павукі і скарпіёны.

У месцы выяўлення знаходкі, па сцвярджэнні галоўнага геолага «Беларуськалія» Аляксея Клабука, знаходзілася старажытнае мора. Ракаскарпіён трапіў у ападкавыя адклады гліністых часціц без доступу кіслароду і іншых газаў. Так ён захаваўся на мільёны гадоў, пакуль не ўпаў на канвеер, патрапіўшы затым у самаходны вагон і ў рукі шахцёраў.

Фота: esoligorsk.by.

26
хамса / Адказаць
17.06.2019 / 16:55
ды гэта ж млой Мад.
с-кар-пиён )
ну ништо сабе, кольки вам год.. а Дызайнер сёння казау, што вы малады)

1
гыгыгы / Адказаць
17.06.2019 / 17:02
Ништо сабе, таки, тараканчык!
0
Юзік Крулеўскі / Адказаць
17.06.2019 / 17:30
У музей яго!
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру