Улада1515

Выглядае, што ААЦ будзе праслухоўваць чыноўнікаў і аўтаматычна расшыфроўваць рускамоўныя размовы

Аператыўна-аналітычны цэнтр гатовы патраціць 700 тысяч беларускіх рублёў на стварэнне «Комплексу распазнання маўленчай інфармацыі».

На гэту займальную закупку звярнуў увагу навуковец і блогер Ягор Лебядок у сваім тэлеграм-канале.

Паводле тэхнічнага задання, комплекс прызначаны для ператварэння акустычнай інфармацыі, што змяшчае перамовы ад розных дыктараў на рускай мове і паступае ў выглядзе гукавых файлаў, у тэкставы выгляд з мэтай далейшай класіфікацыі, адбору і аналізу атрыманай інфармацыі, прадастаўлення аператару-аналітыку стэнаграмы аўдыязапісу.

Сістэма павінна апрацоўваць не менш за 50 тысяч запісаў за суткі, у часе гэта не менш за 720 гадзін.

Ягор Лебядок робіць выснову, што тэхнічнае заданне выдае сістэму для праслухоўвання і аўтаматычнага пераводу праслуханага ў тэкст. 

«Апошні пункт [пра колькасць запісаў і гадзін — Рэд.], магчыма, троху раскрывае і пералік асобаў для праслухоўвання і аналізу размоваў. Афіцыйна ўтойваецца, але ў рэальнасці вядома, што асноўная функцыя ААЦ — гэта кантроль вертыкалі ўлады, а 50 тысяч размоваў за суткі цалкам дастаткова для асноўнай часткі вертыкалі ўлады ці іншых важных для дзяржавы асоб. Хаця, вядома, комплекс можа быць выкарыстаны і ў дачыненні да іншых грамадзян, або на карысць іншых ведамства», — піша Лебядок. 

Таксама адметна, што гэтая сістэма не ў стане аналізаваць беларускую мову.

Распрацоўкай сістэмы займаецца Навукова-даследчы інстытут тэхнічнай абароны інфармацыі. 

Чаму так і для якіх мэтаў ствараецца комплекс, пакуль невядома. «Наша Ніва» накіравала ў ААЦ запыт з адпаведнымі пытаннямі. 

Каментары15

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек15

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек

Усе навіны →
Усе навіны

Журналісты высветлілі імя «Доктара Зло», што катаваў украінскіх палонных у расійскай калоніі6

Лукашэнка расказаў сваё ўяўленне пра ролю прафсаюзаў у краіне6

Польку затрымалі ў Гданьску за абразу беларускі4

Жыхары «Новай Баравой» выступілі супраць цырка-шапіто ў іх раёне. Чым скончылася?6

Прарасійская актывістка Мірсалімава патлумачыла, чаму нельга забараняць чытаць «экстрэмісцкія» выданні7

Злоўленая ў Сеніцы жывёліна аказалася шалёным ваўком. У міліцыі расказалі падрабязнасці6

Як упарадкавалі сквер Амара Хаяма ў Мінску

Жанчына займалася сэксам з будысцкімі манахамі, а пасля шантажавала іх13

Беларускі школьны настаўнік расказаў, колькі зарабляе на ферме ў Нідэрландах1

больш чытаных навін
больш лайканых навін

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек15

Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек

Галоўнае
Усе навіны →

Заўвага:

 

 

 

 

Закрыць Паведаміць