18.06.2019 / 20:46

Мэра Салігорска затрымалі проста ў будынку аблвыканкама 17

Як стала вядома «Нашай Ніве» ад крыніц, 17 чэрвеня ў Мінску, проста ў будынку аблвыканкама, быў затрыманы 40-гадовы старшыня Салігорскага райвыканкама Алег Паскробка.

Па словах сакратаркі Салігорскага райвыканкама, у Мінск Паскробка паехаў «у камандзіроўку».

Гэта ўжо другі кіраўнік горада за два гады, які трапляе пад варту.

Факт затрымання «Нашай Ніве» пацвердзілі ў Следчым камітэце.

«Следчым камітэтам распачата крымінальная справа ў дачыненні да старшыні Салігорскага райвыканкама.

Учора, 17 чэрвеня, ён быў затрыманы супрацоўнікамі міліцыі па падазрэнні ў здзяйсненні карупцыйнага злачынства.

Дзеянні затрыманага кваліфікаваныя па ч.3 арт.426 (перавышэнне службовых паўнамоцтваў) Крымінальнага кодэкса. Злачынства адбылося ў перыяд працы падазраванага на папярэдняй пасадзе. Праводзіцца расследаванне», — адзначылі ў Следчым камітэце.

З 2015 па 2017 год Паскробка быў першым намеснікам міністра ЖКГ, а перад тым узначальваў Цэнтральны раён Мінска.

АЯ

2
фелікс / Адказаць
18.06.2019 / 21:03
Яшчэ ніводзін міністр не сеў, толькі "зіц-прэдседацелі фунты".
4
Уладзімірка / Адказаць
18.06.2019 / 21:19
Хутчэй за ўсё ў прэзідэнцкі фонд не адсцёгваў. Я так думаю. А можа і памыляюся. Усе ж памыляюцца, пакуль жывуць. 
Няхай жыве міністр ЖКГ!!! карацей кажучы.
2
Василиса / Адказаць
18.06.2019 / 21:27
ЖКХ.Понятно.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру