Царква Мікалая-цудатворцы ўваходзіць у турэмны комплекс, фота Delfi
Лукішскае СІЗА-турма ў Вільні будзе пераселена ў пачатку ліпеня, паведаміў міністр юстыцыі Эльвінас Янкявічус, паскараючы перанос турмы на паўгода, піша Delfi.
«У пачатку ліпеня закрываецца Лукішская турма. У самым пачатку ліпеня (там не будзе) ніводнага (зняволенага)», — сказаў журналістам міністр.
Янкявічус адзначыў, што пасля перасялення турмы тэрыторыя будзе адкрыта гараджанам.
Лукішскі комплекс складаецца з шасці будынкаў, якія знаходзяцца ў цэнтры Вільні.
У турме на Лукішках, пабудаванай у пачатку ХХ стагоддзя, сядзела нямала беларусаў, перш за ўсё калі Вільня ўваходзіла у склад Польшчы, у тым ліку Максім Гарэцкі, Францішак Аляхновіч, Максім Танк, Рыгор Шырма, Барыс Кіт.
0
0
0
0
0
0