19.06.2019 / 11:33

Еўраопт судзіцца з Мінгандлю 5

Кампанія «Еўрагандаль», якой належыць найбуйнейшая сетка крамаў «Еўраопт», падала ў суд на Міністэрства антыманапольнага рэгулявання і гандлю (МАРГ).

Перадсудовае пасяджэнне прайшло 19 чэрвеня ў Вярхоўным судзе.

«Еўраторг» незадаволены рашэннем міністэрства аб парушэннях кампаніяй антыманапольнага заканадаўства. Кампанія хоча абскардзіць гэтае рашэнне.

У 2017 годзе гомельская кампанія «Шырокіх» паскардзілася на «Еўрагандаль». Разбіральніцтва ішло два гады, у выніку МАРГ вырашыў, што «Еўрагандаль» парушае заканадаўства.

Сутнасць прэтэнзій наступная: калі ў канкурэнтаў цана на тавары была ніжэйшая, чым у «Еўраопце», кампанія ціснула на пастаўшчыкоў, каб тыя паднімалі цэны для канкурэнтаў ці спынялі ім пастаўкі тавараў.

«Антыманапольны орган не ацаніў усе доказы і таму няправільна прымяніў нормы закона да кампаніі. «Еўрагандаль» не здзейсніў тое, у чым яго абвінавачваюць», — паведаміў на пасяджэнні прадстаўнік кампаніі. Маўляў, памылковае рашэнне МАРГ можа негатыўна сказацца на рэпутацыі «Еўрагандля».

Раней гомельская кампанія «Шырокіх» прадаставіла антыманапольшчыкам сваю перапіску з пастаўшчыкамі. Прадстаўнік «Еўрагандаля» настойвае, што да перапіскі ёсць пытанні, маўляў, пасля пастаўшчыкі тлумачылі свае словы і з іх тлумачэнняў не вынікае факт ціску на іх з боку «Еўрагандля».

Вось толькі МАРГ настойвае, што ўсё было наадварот. І што словы пастаўшчыкоў пра адсутнасць ціску — і ёсць вынік ціску на іх з боку «Еўрагандля», бо пастаўшчыкі баяцца страціць супрацу з буйной кампаніяй.

Яшчэ адзін момант, які адзначылі прадстаўнікі Мінгандлю: нярэдка пастаўшчыкі пастаўлялі тавары для «Шырокіх» па вышэйшых коштах, чым для «Еўраторга». Вось толькі па выніку на паліцах у крамах «Шырокіх» тавар усё адно каштаваў танней. А «Еўрагандаль» хацеў мець цанавую дыстанцыю 10% — то бок каб у канкурэнтаў тавары каштавалі мінімум на 10% даражэй, чым у «Еўраоптах», настойваюць прадстаўнікі МАРГ.

NN.by

1
Алесь / Адказаць
19.06.2019 / 15:02
Я такiх скаргау на Еурагандаль ад бiзнэсоуцау дзясяткi чуу. Колькi такое можна было трываць?
15
Палкоўнік Зэман / Адказаць
19.06.2019 / 17:50
Беларускi парадокс. У Еўраопце адны з нiзкiх цэн на продукты харчавання. А антыманапольны орган справу на яго заводзiць.
1
Nick_da_terra_cognita / Адказаць
19.06.2019 / 18:51
Закрыть евроопт - нет евроопта - нет и проблемы...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру