Учора на прыпынку каля ГУМа з рэкламнага шчыта скралі 120 мяккіх цацак — талісмана Еўрапейскіх гульняў лісяня Лесіка. Пра гэта CityDog.by паведамілі ў кампаніі life:).

Так было ўчора

— Мы ўпрыгожылі ўстаноўку, якая знаходзіцца каля ГУМа, да Еўрапейскіх гульняў: павесілі фотастэнд. Ён складаецца з трох рам: на адну з іх павесілі мяккія цацкі лісяня Лесіка — іх было 120 штук, на іншым размясціліся мячыкі, на трэцім - газон з надпісамі.

Гэтую зону мы паставілі ўчора ў канцы дня — каля 8 або 9-й вечара. А сёння нам дасылаюць фатаграфію: на стэндзе няма ніводнага лісяня, і два ніжніх шэрагі мячыкаў таксама выламаныя. Мы трохі ў шоку, гэта ж вандалізм. Цацкі былі добра прымацаваныя, таму мы нават не ўяўляем, як іх можна было скрасці, - распавялі ў кампаніі life:).

Так сёння

Кампанія life:) звязалася з рэкламным аператарам, які абслугоўвае шчыты на гэтым прыпынку. Той збіраецца пісаць заяву ў міліцыю.

Хочаш падзяліцца важнай інфармацыяй ананімна і канфідэнцыйна?