19.06.2019 / 17:55

Эрдаган: Экс-прэзідэнта Егіпта Мурсі забілі 1

Прэзідэнт Турцыі Рэджэп Таіп Эрдаган лічыць, што экс-прэзідэнта Егіпта Мухамеда Мурсі, які памёр у зале суда ў Каіры, забілі, піша Hurriyet Daily News.

«Мухамед Мурсі на працягу 20 хвілін ляжаў у зале суда, і ніхто не аказаў яму дапамогі. Мурсі быў забіты, ён памёр не ад натуральных прычын», — заявіў Эрдаган.

Нагадаем, экс-прэзідэнту Егіпта Мухамеду Мурсі стала дрэнна падчас судовага паседжання 17 чэрвеня ў Каіры, праз кароткі час лекары канстатавалі яго смерць.

Па папярэдніх даных, ён памёр ад сардэчнага прыступу.

Мурсі і Эрдаган былі ідэалагічна блізкія, абодва належалі да ісламска-дэмакратычнага палітычнага кірунку.

NN.by

0
mikola ramanau / Адказаць
20.06.2019 / 00:48
Ja adrazu kazau- Jago zabili voragi.
Каб пакінуць каментар, калі ласка, актывуйце JavaScript у наладах свайго браўзеру