20.06.2019 / 17:40

«Наша гісторыя» №6: апошнія дні продажу часопіса ў шапіках «Белдрука» 8

Я найперш нагадаю вам, што акурат цяпер ідзе падпіска на другое паўгоддзе. Праз падпіску — самая нізкая цана на часопіс.

Падпіска на месяц каштуе 4,87 рубля, на паўгода — 28,62 рубля.

За паўгода падпіскай вы ашчадзіце 5 рублёў. А для нас падпіска таксама найбольш выгадная.

А зараз пра нумар. Дзве тэмы там я рыхтаваў з аднолькавай цікавасцю.

Люблінская унія — мая цікавасць тут была палітычнаю. Мы маем кейс, да якога прывяла «паглыбленая інтэграцыя» і як палітычная эліта кусала локці тады, калі ўжо нічога немагчыма было змяніць.

А 1000-годдзе Берасця мне як тэма дарагая ўжо таму, што я стуль родам. «Горад, якога няма» — вось што мы паспрабавалі расказаць. Гэта пра архітэктуру Старога Горада, дзе знайсці тыя месцы ў крэпасці і што там можна адбудаваць (дзякуй скрупулёзнасці Аляксандра Невара). Гэта пра мадэрнізм — іншая тэма для экскурсіі ці самастойнай вандроўкі па Берасці (якую можна спалучыць, да прыкладу, з наведваннем гульні брэсцкага «Дынама» — лідара сёлетняга чэмпіянату). А

эмацыйны цэнтр нумара для мяне — гэта вельмі незвычайны матэрыял маладога навукоўца Антона Дацкевіча пра былыя прадмесці Брэста. Рэчыца, Вулька, Шпановічы… Антон абышоў гэтыя селішчы, вуліцы, запісваючы ўспаміны старых людзей, легенды, мову. Нават я, ураджэнец горада і пераможца — хе-хе-хе! — 35 гадоў таму гарадской краязнаўчай алімпіяды адкрываў для сябе нечаканае: Любошча Гара, «максімяны» ў Пугачове, каўбаснікі… Прычым гэта будзе цікава і неберасцейцам — правяралі ў рэдакцыі перад выпускам.

З іншага — у нас, як заўсёды, няма прахаднога.

Алесь Белы гэтым разам напісаў пра «кішку», дакладней, пра дзве кішкі — крывяную і бульбяную, тую, чэмпіянат па смажанні якой праходзіць у Супраслі.

Віталь Чырвінскі адкрывае постаць Караля Прозара. Адзін факт — чалавек ускрыў труну жонкі, каб пакласці ёй паўстанцкія манеты. Глядзі: тваё, наша жыццё, нашы пакуты, тулянні не былі дарэмнымі, наша зямля зноў паўстала.

Аляксей Ластоўскі пераносіць нас у часы грамадзянскай вайны ў Іспаніі. Роля беларусаў там была розная: асабліва цікавы сюжэт з вывазам залатога запасу краіны ў Маскву. Беларус-дыверсант Арлоўскі перасякаўся з Хемінгуэем, а Фельдзін — ён жа Нікольскі — жахнуў Оруэла.

Сямейныя гісторыі прэзідэнтаў БНР — гэта ўжо асабістае. Абрамчыкі — свая драма, крыўда, схаваны архіў. Вінцэнт Грышкевіч і Раіса Жукоўская — другое каханне, якое стала вялікім. Упэўнены, што вы многіх гісторый не ведаеце. Адкрыеце для сябе другое вымярэнне гісторыі БНР.

Іншыя героі нумара — Стаханаў (і яго жонкі), Апошні вампір (комікс).

Дык падпісвайцеся, і будзеце штомесяц чытаць захапляльнае беларускамоўнае выданне. «Наша гісторыя» апавядае пра беларускую гісторыю цікава, а пра сусветную — з беларускіх пазіцый.

Вось змест:

Пытайцеся часопіс у шапіках і крамках «Белсаюздруку» або на поштах. А таксама вось агульны спіс кнігарань, дзе можна знайсці наш часопіс у розных гарадах:

Мінск

«Акадэмкніга» (на станцыі метро Акадэмія навук)

Філія «Акадэмкнігі» на Багдановіча, 46

«Мой модны кут» (Цэнтр Маскоўска-Венскі, павільён 333 — гэта каля ЦУМа, метро Якуба Коласа, пр. Незалежнасці 58)

Symbal.by (пр. Машэрава, 18)

Гандлёвы цэнтр «Купалаўскі» (пад Кастрычніцкай плошчай), крамы 41—42 і 44—45

«Галіяфы» (Няміга, 3, крама № 47 на цокальным паверсе)

Кніжны кірмаш па вул. Даўмана, 23 (субота 00.00-14.00), месца 78б

«Рагна» (Сухая, 4, метро Фрунзенская)

«Кніжная шафа» (Дзяржынскага, 9)

ды іншыя

Поштай ці з дастаўкай на дом

вы можаце яго замовіць праз Symbal.by, Halijafy.by, Knihi.byKniger.by, Akademkniga.by, Ragna.by.

Гродна

«Цудоўня» (Кірава, 3)

ды іншыя

Брэст

«Князь Вітаўт» (Савецкая, 55)

ды іншыя

Гомель

«Кніжны свет» (пр. Леніна, 45) 

Віцебск

«Светач» (Кірава, 10)

ды іншыя

Магілёў

«Гасцінец» (Віцебскі праспект, 48)

ды іншыя

Бабруйск

«Крыніца ведаў» (Горкага, 31).

Баранавічы

«Кнігі» (вул. Савецкая, 73)

Маладзечна

«Спадчына» (вул. Прытыцкага, 7) 

Ліда

«Кніжны свет» (пр. Перамогі, 33) 

Наваполацк

«Дом кнігі» (вул. Маладзёжная, 145) 

«Усход» (вул. Кірава, 4) 

Пінск

«Мой модны кут» (вул. Леніна, 31)

Вільня

Пабачыць можна ў шапіку беларускай парафіі касцёла ў Зарэччы (Ужупіс), ён працуе ў нядзелі, падчас службы. 

Варшава

Пабачыць можна ў Беларускім доме (13/3, Wiejska).

Нагадваем, што часопіс можна купіць і ў ПДФ, у электроннай версіі. Рэкамендуем яе для ўсіх, у каго няма доступу да папяровай версіі.

Падпісны індэкс 00469

Вы ж ведаеце, што на 2019 год ужо можна падпісвацца. Падпісны індэкс 00469. Прычым па падпісцы часопіс абыходзіцца танней, чым у крамах і кіёсках.

Якія прынцыпы часопіса

Мы робім навукова-папулярны часопіс. Гэта значыцца, што ён арыентаваны на простага чытача, а не навукоўцаў. Наш падыход — гісторыя простымі словамі.

Мы задумалі яго як часопіс, які будзе яднаць, а не дзяліць. Акрамя таго, нам важныя сістэмнасць, аб’ектыўнасць і гістарызм. Нам важна пісаць без міфалогіі і містыфікацый, бо толькі праўда цікавая.

Андрэй Дынько

16
хамса / Адказаць
21.06.2019 / 12:09
горад, якога няма..
толькi бРАСТАЎчанін мог так сказаць (у якога горад растаў), але не беРАСЦЕец (у якога город расце))
горад - гэта не толькi буДЫНКI* (i дынькi (людзi)), а нешта большае.. магiчнае
проста далёка не ўсе гэту магiю адчуваюць (калi ўвогуле адчуваюць)
а Брэст (Берасце) сваю магiчнасць не страцiў (як i Мiнск.. Менеск)
*таму я б сказала - архiтэктура Берасця, якой няма, але не горада няма

8
хамса / Адказаць
21.06.2019 / 21:26
і чаму вы пішаце BREST 1000 ?
тысячу год таму так пісáлі? Брест? і лацінкай?
што за фальсіфікацыі адразу на вокладцы? хаця.. што тут дзівіцца.. ведаеце, як я чытаю вашае гэта BREST? лацінічна-кірылічна? і трошкі анаграмічна
ВРЕТС
вось і праўда што
6
Чеснок / Адказаць
24.06.2019 / 10:22
Где можно купить все выпуски, начиная с первого? Рэд. Першы выпуск, здаецца, ужо прададзены цалкам, разам з дадрукамі. Сканчаюцца і некаторыя іншыя нумары. Усе наяўныя выпускі можна знайсці: «Акадэмкніга» (на станцыі метро Акадэмія навук) Філія «Акадэмкнігі» на Багдановіча, 46 Symbal.by (пр. Машэрава, 18) Гандлёвы цэнтр «Купалаўскі» (пад Кастрычніцкай плошчай), крамы 41—42 і 44—45 «Галіяфы» (Няміга, 3, крама № 47 на цокальным паверсе) «Мой модны кут» (Цэнтр Маскоўска-Венскі, павільён 333 — гэта каля ЦУМа, метро Якуба Коласа, пр. Незалежнасці 58) «Рагна» (Сухая, 4, метро Фрунзенская) «Кніжная шафа» (Дзяржынскага, 9) Поштай ці з дастаўкай на дом праз Symbal.by, Halijafy.by, Knihi.by, Kniger.by, Akademkniga.by, Ragna.by У рэгіёнах пытайцеся ў кнігарнях "Белкнігі", а таксама: Гродна «Цудоўня» (Кірава, 3) Брэст «Князь Вітаўт» (Савецкая, 55) Гомель «Кніжны свет» (пр. Леніна, 45) Віцебск «Светач» (Кірава, 10) Магілёў «Гасцінец» (Віцебскі праспект, 48) Бабруйск «Крыніца ведаў» (Горкага, 31). https://nn.by/?c=ar&i=232493
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру