Брэсцкая міліцыя праводзіць праверку некаторых аспектаў дзейнасці акумулятарнага завода
Супрацоўнікі Упраўлення па барацьбе з эканамічнымі злачынствамі УУС Брэсцкага аблвыканкама праводзяць праверку некаторых пытанняў дзейнасці ТАА «АйПауэр», звязанай з вытворчасцю прадукцыі да ўводу ў эксплуатацыю, на прадмет законнасці яе ажыццяўлення.
Пра гэта гаворыцца ў лісце, які атрымаў адзін з лідэраў кампаніі па барацьбе з акумулятарным заводам пад Брэстам Дзмітрый Бекалюк з упраўлення Дэпартамента фінансавых расследаванняў па Брэсцкай вобласці. Праверка ідзе ў рамках крымінальна-працэсуальнага заканадаўства.
Таксама правяраецца законнасць перавозкі прадукцыі з акумулятарнага завода пад Брэстам у Пінск у ноч з 12 на 13 мая - гэтым займаецца міліцыя. Нагадаем, тады актывісты, якія нясуць кругласутачнае дзяжурства каля завода, ноччу пераследавалі фуру з прадукцыяй, што выехала з прадпрыемства. Міліцыя спыніла вялікагруз пад Драгічынам — у ім, мяркуючы па дакументах, былі паўфабрыкаты акумулятараў.
У адказе гаворыцца, што дзейнасць, звязаную з вытворчасцю прадукцыі, кампанія «АйПауэр» вяла з 12 лютага 2019 года, у тым ліку да 29 сакавіка — у рэжыме пусканаладкі. У пачатку чэрвеня старшыня Брэсцкага аблвыканкама прыпыніў дзейнасць завода да ліквідацыі парушэнняў. Кіраўніцтва завода заяўляе, што не ведае, пра якія канкрэтна парушэнні ідзе гаворка.
Крутога айцішніка, які вярнуўся з Польшчы, кінулі за краты за фінансаванне «экстрэмізму»25
Каментары