24.06.2019 / 18:36

У Мінску асудзілі 13 донараў за махлярства з грашовымі кампенсацыямі 5

У Мінску агучылі прысуд 13 грамадзянам, якія па фіктыўных даведках аб зарплаце атрымлівалі кампенсацыі за здачу крыві. Пра рашэнне паведамляе tut.by са спасылкай на прэс-службу Вярхоўнага суда.

Улетку 2018 г. Следчы камітэт паведаміў, што 13 чалавек здавалі кроў і атрымлівалі кампенсацыю за пропуск працы па падробленых даведках пра заробак. Дакументы былі выпісаныя нібыта з чатырох месцаў, дзе яны працавалі, але лічбы былі выдуманыя. Падзеі датуюцца 2014-2018 гадамі, агульная сума склала 56 тысяч рублёў. Нагадаем, з мінулага года абмяркоўваецца ідэя зрабіць здачу крыві цалкам бясплатнай.

Прысуд па справе суд Цэнтральнага раёна вынес 21 чэрвеня, усіх фігурантаў абвінавачвалі ў махлярстве.

Двое абвінавачаных мужчын з найбольшымі сумамі прысуджаныя да 4,5 і 4 гадоў пазбаўлення волі з канфіскацыяй усёй маёмасці. Але да іх ужылі адтэрміноўку. Пры гэтым яны павінны ў вольны час адпрацаваць 120 гадзін грамадскіх работ.

Яшчэ трое асуджаныя на 3 гады пазбаўлення волі, таксама з адтэрміноўкай і 100 гадзінамі грамадскіх работ.

Астатнія восем чалавек асуджаныя на тэрміны ад 1,5 да 2,5 гадоў абмежавання волі без накіравання ў папраўчыя ўстановы.

Прысуд яшчэ не ўступіў у законную сілу і можа быць абскарджаны.

NN.by

2
Раман / Адказаць
24.06.2019 / 20:25
Нагадаем, з мінулага года абмяркоўваецца ідэя зрабіць здачу крыві цалкам бясплатнай.-хутка у беларускiх шпiталях цалкам знiкне i Кроу, i плазма. А у аптеках - гематаген(((
1
Ян Севярын Бакей / Адказаць
24.06.2019 / 21:04
"абмяркоўваецца ідэя зрабіць донарства абсалютна бясплатным.."
Мяне гэта ўжо, бадай што, не закране- узрост, халера на яго, але думаю, калі аплату адменяць, краіна застанецца ўвогуле без донарскай крыві ( ну. хіба што медыкаў будуць прымушаць здаваць.) зусім без бонусаў, на адным энтузіазме - ня той час, ня той народ...
і да таго ж - а медыкаменты на аснове крыві і кампанентаў ці патаньнеюць кардынальна? 9ох. ня верыцца штосьці...)
2
Driver / Адказаць
24.06.2019 / 23:04
"...ідэя зрабіць здачу крыві цалкам бясплатнай...", а медзіцыну, напэўна, яшчэ больш платнай.
таму, хто прапануе бяспатнаю здачу, жадаю самому здаваць кожны дзень бясплатна, і пажадана з носа...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру