На «бацюшку са свастыкай» завялі справу за сэксуальны гвалт у дачыненні да малой дачкі
Шэраг беларускіх тэлеграм-каналаў пачалі намякаць, што «бацюшка са свастыкай» Канстанцін Бурыкін мог мець сэксуальную сувязь з непаўналетнімі.
Чытайце Расследаванне: як «бацюшка са свастыкай» распараджаўся бюджэтнымі мільярдамі
Напачатку мая пра гэта паведаміў канал «Кульгавы д'ябал», напісаўшы, што ў дачыненні Бурыкіна праводзіцца праверка па артыкуле 157 Крымінальнага кодэкса — гэта заражэнне ВІЧ. «Гаворка пра кагосьці з дзяцей», — удакладнілі аўтары.
А 25 чэрвеня падобную інфармацыю агучыў блогер NEXTA, напісаўшы са спасылкай на матэрыялы пракуратуры, што Бурыкін цягам некалькіх год «ажыццяўляў гвалтоўныя дзеянні сэксуальнага характара ў дачыненні непаўналетняй».
Асоба пацярпелага (ці пацярпелай) не называецца.
У Следчым камітэце «Нашай Ніве» пацвердзілі інфармацыю аб існаванні яшчэ адной справы ў дачыненні Бурыкіна.
«УСК па Мінску расследуецца крымінальная справа па ч. 3 арт. 167 (гвалтоўныя дзеянні сэксуальнага характара ў дачыненні заведама малалетняга) у дачыненні Канстанціна Бурыкіна», — сказала нам Юлія Ганчарова.
Інфармацыю пра магчымае заражэнне ВІЧ яна пацвердзіць не можа: «хутчэй за ўсё, аўтары памыліліся і замест «167» напісалі «157», — адрэагавала яна на допіс у тэлеграм-канале.
Праз некалькі гадзін намеснік генпракурора Аляксей Стук на прэс-канферэнцыі паведаміў, што пацярпелая па справе Бурыкіна, якога яшчэ называлі «бацюшка са свастыкай», — яго старэйшая дачка, піша Tut.by
«Гэтыя падзеі былі з 2012 па 2016 год, а дачка 1999 года нараджэння», — патлумачыў ён.
Па словах намесніка генпракурора, дзяўчына ўжо стала даваць паказанні. Журналісты адзначылі, што раней дачка бараніла бацьку.
«Яна баялася, ён досыць дэспатычны чалавек», — адзначыў Стук.
Чытайце. Дачка «бацюшкі са свастыкай»: Я стараюся забыць ранейшае жыццё
Такім чынам, у дадатак да тэрміна за незаконнае захоўванне зброі, Бурыкіну пагражае пакаранне за яшчэ два крымінальныя артыкулы — растрата і «сэксуальныя дзеянні».
«Бацюшка са свастыкай» — грамадзянін Расіі. Пасля адбыцця пакарання ён мае быць дэпартаваны з краіны.
Чытайце: «Бацюшку са свастыкай» выставілі новыя абвінавачванні — яму пагражае яшчэ 7 гадоў зняволення
Чытайце: «Наша Ніва» здабыла новыя шакуючыя ФОТЫ «бацюшкі са свастыкай»
-
Стала вядома, куды ўладкаваўся кіраўнік Калінкавіч, які ў 2022 годзе сустракаў расійскіх вайскоўцаў з хлебам-соллю
-
Былая беларуская журналістка Судлянкова, якую ў Чэхіі абвінавацілі ў працы на расійскую разведку, з'ехала ў Маскву
-
Шматдзетная сям'я распавяла, што траціць на ежу 700-800 рублёў штомесяц. Людзі ў шоку, што ім хапае
Цяпер чытаюць
Бедны, расчараваны — асабліва ў родных — і нікому непатрэбны. Злы дзённік Барадуліна дазваляе зазірнуць унутр генія19
Каментары