26.06.2019 / 13:22

Сніфінг — з’явілася новая небяспека для беларускіх дзяцей 11

У сваім фэйсбуку афіцыйная прадстаўніца СК Юлія Ганчарова адзначыла, што падчас следчай практыкі перыядычна сустракаеццца адносна новая з’ява пад назвай «сніфінг». Тлумачым, што гэта такое.

Пад прыгожым англійскім словам хаваецца банальная падлеткавая таксікаманія. Калі раней падлеткі нюхалі клей, то цяпер яго замянілі іншыя, але такія ж даступныя рэчывы. Сніфінгам называюць удыханне аэразолей ці газу ад запальніц.

У Беларусі гэтае «хобі» распаўсюджанае пакуль не надта шырока. У Расіі ж са сніфінгам змагаюцца даўно.

Менавіта сніфінгам ці то займаліся, ці то збіраліся заняцца падлеткі ў Наваполацку. Скончылася ўсё бядой, адзін з іх выпаў з акна і загінуў.

Эфект ад удыхання газу адносна кароткі. Газ выцясняе з мозгу кісларод, чым выклікае кароткі перыяд эйфарыі. Вось толькі шкода здароўю наносіцца сур’ёзная. Прычым сніфінгам могуць займацца і дзеці, якія не п’юць і не кураць, бо выглядае гэта як больш бяспечная забаўка. Дый купіць газ для запальніц значна прасцей, чым цыгарэты ці алкаголь.

Нярэдка вынікам сніфінгу становіцца смерць. У Расіі вядома пра цэлы шэраг трагічных гісторый.

Выратаваць пацярпелых ад сніфінгу цяжэй. Пах газу хутка знікае, і дактары не могуць дыягнаставаць, што дзіця, якое ляжыць без прытомнасці, менавіта надыхалася газам.

Таму бацькі і дактары раяць звяртаць увагу на стан і паводзіны сваіх дзяцей.

Асабліва звярніце ўвагу, калі ў дзіцяці перыядычна заўважныя наступныя прыкметы:

  • верхняя частка цела і галава гарачыя (ад прыліву крыві), твар ацякае;
  • раздражненне слізістых верхніх дыхальных шляхоў (нос — чырвоны);
  • вакол вуснаў, асабліва ў кутках рота, адзначаецца аблямоўка раздражнення скуры;
  • ахрыпласць голасу;
  • слабасць, млоснасць і ваніты;
  • грубае расстройства паводзін: агрэсія, падман.

NN.by

18
mikola ramanau / Адказаць
26.06.2019 / 13:27
*Dybilizm* pracjagvaeca........................Zatoe  -iosc Durackie Gulni !
2
фелікс / Адказаць
26.06.2019 / 13:39
Больш увагі сваім дзецям.
4
вася чэсных / Адказаць
26.06.2019 / 13:46
Если нашли у подростка воздушные шарики - это так же является признаком снифинга. Они наполняют воздушный шар газом из баллона, и затем вдыхают смесь непосредственно из шарика.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру