Дактары паабяцалі аднаму з беларускіх добраахвотнікаў ва Украіне, берасцейцу Дзмітрыю Рубашэўскаму (пазыўны «Ганс»), што змогуць аднавіць зрок у адным яго воку. Пра гэта Рубашэўскі паведаміў у інтэрв'ю выданню Gazeta.ua.
Нагадаем, Рубашэўскі быў паранены 25 мая. У Дзмітрыя было выбіта адно вока, за другое змагаліся лекары.
«Вельмі мутна [бачу — заўв. Рэд.], і абяцалі аднавіць зрок у воку, што выжыла», — заявіў Рубашэўскі.
Ён удакладніў, што лечыцца на сродкі валанцёраў і народа Украіны. Рубашэўскі адзначыў, што калі зрок адновіцца дастаткова, ён вернецца на фронт.
Дзмітрый ваяваў пад пазыўным «Ганс». На касцы «Ганса» намаляваны рунічны знак «SS» — гвардыі гітлераўскай партыі.
«Паводле палітычных поглядаў я прыхільнік нацыянал-сацыялізму, але не гітлераўскага, не нямецкага. А каб для ўсёй Еўропы. Усё мадэрнізуецца і нацыянал-сацыялізм таксама. Трэба, каб усе жылі разам, краіны дапамагалі адзін аднаму, не было імперыяў», — тлумачыў Рубашэўскі ў інтэрв'ю «Белсату».
