27.06.2019 / 16:46

У самалёце суправаджэння прэзідэнта Бразіліі знайшлі 39 кг какаіну 13

На ваенным самалёце, які суправаджаў лайнер прэзідэнта Бразіліі Жаіра Балсанару на саміт «Вялікай дваццаткі», знайшлі 39 кг какаіну, піша bbc.com.

У заяве, Міністэрства абароны краіны гаворыцца, што наркотыкі знайшлі, калі самалёт, які ляцеў у Осаку, дзе праходзіць саміт, здзейсніў транзітную пасадку ў Севільі.

Па паведамленнях бразільскіх і іспанскіх СМІ, затрыманы 38-гадовы сяржант Мануэль Сільва Радрыгес. Ён суправаджаў трох бразільскіх прэзідэнтаў у 29 міжнародных паездках.

Крыніцы ў іспанскай паліцыі распавялі газеце «Эль Паіс», што Радрыгес выйшаў з самалёта з багажом у руках. Падчас праверкі ў багажы знайшлі 37 скруткаў з какаінам.

Радрыгес быў членам экіпажа самалёта, які павінен суправаджаць прэзідэнта Балсанару на зваротным шляху з саміту «дваццаткі».

Прэзідэнт ляцеў іншым самалётам, які па шляху ў Осаку прызямліўся ў Лісабоне. Самалёт прэзідэнта таксама павінен быў сесці ў Севільі, але план памяняўся.

Балсанару напісаў у «Твітары», што патрабуе самага строгага пакарання для затрыманага сяржанта.

NN.by

1
Ліцьвін металіст / Адказаць
27.06.2019 / 17:00
Ну відаць зсяржант здаў Белсанару))))
2
Walkman / Адказаць
27.06.2019 / 17:17
Везлi да Пынi, бо занадта вялiкая вага.
29
Максим Дизайнер / Адказаць
27.06.2019 / 17:41
Ну, и что?Векибритания тоннами из Афганистана возит авиацией дипмиссий. Все знают, и всем похвиг.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру