29.06.2019 / 12:29

У гістарычнай частцы Брэста адбыўся пажар ФОТЫ 5

Увечары 28 чэрвеня адбыўся пажар ў гістарычнай частцы Брэста. Загарэліся дамы на вуліцы Савецкай, ля скрыжавання з вуліцай Дзяржынскага.

На месца прыехала некалькі пажарных разлікаў. Пакуль тушылі адзін дом з боку вуліцы Дзяржынскага, агонь перакінуўся на суседнія і падышоў ушчыльную да пешаходнай зоны на вул. Савецкай.

Фота: Арцём Ракіцкі, kp.by

Пажар тушылі больш за гадзіну. Інфармацыі аб пацярпелых не паступала. На месцы дзяжурылі машыны хуткай дапамогі і службы газу.

Адразу некалькі выданняў паведамілі пра магчымасьць падпалу, піша мясцовы сайт prosvit.org. Аўтары мяркуюць, што такім чынам забудоўшчыкам удаецца абыходзіць абмежаванне па захаванні архітэктурнай гістарычнай спадчыны.

Дамы ў якіх успыхнуў агонь даўно адселеныя, знаходзяцца ў «аварыйным стане». Таму маглі стаць прытулкам для бяздомных. Пытанне, чаму яны працяглы час стаялі пустымі, чаму не вялася іх рэканструкцыя.

Фота: Арцём Ракіцкі, kp.by

Ратавальнікі адзначаюць, што тушэнне ўскладняў моцны вецер, ён жа стаў адной з асноўных прычын пажару. Парывы ​​ветру 28 чэрвеня месцамі дасягалі 6,3 метраў за секунду.

Фота: vk.com/onlinebrest

NN.by

0
Ліцьвін металіст / Адказаць
29.06.2019 / 13:54
Зараз зьнясуць і паставяць навабуд, як заўжды ў нас.
0
Грязный Гарри / Адказаць
29.06.2019 / 14:37
Ни один оккупант не принес столько разрушений историческому центру Бреста,как Александр Палышенков, находясь в должности председателя горисполкома с 2003 по 2014 год.Ныне "почетный гражданин" города.Вместе с Константином Сумаром,тогдашним,предом облисполкома,который признался как-то публично,что тому,который "выше бога " просто приписал 17000 голосов в 2010 году.,просто уничтожали центр Бреста гешефтами с "инвесторами" Пока мы не добьемся права выбирать  градоначальников,а не терпеть присланных админпрезой временщиков "на кормление",это будет продолжаться бесконечно...
0
Дзядзька / Адказаць
29.06.2019 / 15:18
Нехта хоча там бетонку ляпнуць, вось і загарэлася нечакана
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру