29.06.2019 / 13:37

Відавочца апублікаваў ВІДЭА аварыі з удзелам каршэрынгавага аўто ў Мінску 1

Ноччу на скрыжаванні вуліц Прытыцкага і Берута, як паведамляла «НН», адбылася аварыя з удзелам каршэрынгавага аўтамабіля.

ДТЗ трапіла на відэарэгістратар відавочцы.

«Вырашыў павярнуць налева перад патокам машын, яго быццам бы прапусцілі два шэрагі, але па трэцяму як ляцеў, так і ляцеў (па паласе, у якой прама «цагліна» вісіць)», — апісаў абставіны аварыі відавочца пад нікам Багі на форуме Анлайнера.

«І адбылася сустрэча двух адзінотаў. З Polo выйшаў малады-засмучаны хлопец, мабыць выйграў хвіліну», — іранізуе Багі.

«Аўтамабіль Шкода ехаў па вуліцы Прытыцкага з боку праспекта Пушкіна ў напрамку вуліцы Альшэўскага, а Фальксваген рабіў левы паварот з вуліцы Прытыцкага на вуліцу Берута. Адбылося сутыкненне. У выніку ДТЗ пацярпела пасажыр Фальксвагена, яе шпіталізавалі. Жыццю нішто не пагражае. Вядзецца праверка», — распавяла Onliner афіцыйны прадстаўнік УДАІ ГУУС Мінгарвыканкама Аляксандра Папова.

NN.by

7
vovik21.12 / Адказаць
29.06.2019 / 14:45
На лево, сейчас на красный, по машин пять пытается проскочить, уже аж бесит эта наглость. Я бы уже таранил, да времени жалко.
Каб пакінуць каментар, калі ласка, актывуйце JavaScript у наладах свайго браўзеру