29.06.2019 / 18:30

Трамп абяцаў Сі Цзіньпіну спыніць тэхналагічную блакаду канцэрна Huawei 2

ЗША адновяць пастаўкі амерыканскіх тэхналагічных прадуктаў другому па велічыні ў свеце вытворцу смартфонаў. Такое абяцанне Дональд Трамп даў старшыні КНР Сі Цзіньпіну на саміце ў Осака, перадае Deutsche Welle.

ЗША спыняюць тэхналагічную блакаду кітайскага тэлекамунікацыйнага канцэрна Huawei — аднаго з найбуйнейшых пастаўшчыкоў абсталявання для мабільных сетак і другога па велічыні ў свеце вытворцы смартфонаў. «Я пагадзіўся ізноў дазволіць продаж тэхналагічных прадуктаў Huawei», — сказаў Трамп на прэс-канферэнцыі па выніках саміту краін «вялікай дваццаткі» ў Осака ў суботу, 29 чэрвеня.

Такое абяцанне Трамп даў старшыні КНР Сі Цзіньпін падчас асабістай сустрэчы на палях саміту. Прэзідэнт ЗША адзначыў, што амерыканскія кампаніі, якія пастаўляюць Huawei камплектуючыя, былі незадаволеныя забаронай на супрацоўніцтва з гэтым кітайскім канцэрнам.

Раней Трамп унёс Huawei ў чорны спіс, абвясціўшы яго пагрозай для бяспекі ЗША. Тым самым ён моцна абмежаваў дзелавыя аперацыі амерыканскіх прадпрыемстваў з кітайскім канцэрнам. На прэс-канферэнцыі па выніках саміту G20 Дональд Трамп сказаў, што канчаткова пытанне аб Huawei павінна быць вырашана на гандлёвых перамовах паміж ЗША і Кітаем.

На сустрэчы ў Осака Трамп і Сі Цзіньпін дамовіліся аднавіць перамовы з мэтай ўрэгулявання гандлёвага канфлікту паміж ЗША і КНР, ад якога пакутуюць эканомікі не толькі дзвюх краін, але і ўсяго свету.

NN.by

3
Перфекцыяніст / Адказаць
29.06.2019 / 20:29
Непаслядоўны чалавек. Нанёс шкоду у першую чаргу сваім. Нагадвае пуцінскія контрсанкцыі.
0
Казік / Адказаць
30.06.2019 / 09:18
Перфекцыяніст, яго мэта - не банкрутства хуаввею, а нагадаць Кітаю, хто мацнейшы. І з гэтага пункту ўсё паслядоўна.
Каб пакінуць каментар, калі ласка, актывуйце JavaScript у наладах свайго браўзеру