29.06.2019 / 18:44

Мост у Генуі, дзе загінулі 43 чалавекі, знеслі за некалькі секунд ВІДЭА 1

У італьянскім горадзе Генуя ўзарвалі рэшткі моста Марандзі, у выніку абвалу якога амаль год назад загінулі 43 чалавекі, паведамляе «Еўрапейская праўда» са спасылкай на італьянскае агенцтва ANSA.

На апорах моста, а таксама дарожным палатне, што ацалела пасля абвалу, эксперты змясцілі выбухоўку. Каб пазбегнуць распаўсюджвання пылу, вакол зоны выбуху размясцілі сістэмы паліву.

Папярэдне эвакуявалі тысячы людзей у гэтым раёне. Пра пачатак аперацыі папярэдзіла сірэна. Знос рэшткаў моста доўжыўся літаральна некалькі секунд.

Частка моста Марандзі ў Генуі даўжынёй каля 100 метраў абвалілася 14 жніўня 2018 года. Рухнула секцыя, якая праходзіла над чыгуначнымі рэйкамі і ракой. Афіцыйная колькасць загінулых дасягнула 43.

Дзясяткі чалавек загінулі пры абвале моста ў Генуі

NN.by

1
Святлана / Адказаць
29.06.2019 / 19:26
Вады малавата...
Каб пакінуць каментар, калі ласка, актывуйце JavaScript у наладах свайго браўзеру