Прэзідэнт ЗША Дональд Трамп і лідар Паўночнай Карэі Кім Чэн Ын сустрэліся ў дэмілітарызаванай зоне, якая падзяляе КНДР і Паўднёвую Карэю, і паціснулі адзін аднаму рукі, паведамляе BBC.
Пасля прывітання Трамп перайшоў дэмаркацыйную лінію і ўступіў на тэрыторыю Паўночнай Карэі. Ён стаў першым дзеючым амерыканскім прэзідэнтам, які наведаў КНДР. Кім Чэн Ын сказаў, што рады зноў бачыць Трампа, і ніколі не чакаў, што іх сустрэча адбудзецца ў гэтым месцы.
Затым лідары дзвюх краін прайшлі на тэрыторыю Паўднёвай Карэі. Ын назваў наведванне амерыканскім прэзідэнтам тэрыторыі КНДР мужным і рашучым учынкам. Трамп падзякаваў яму і сказаў, што іх звязвае «вялікая дружба». Лідары дзвюх краін яшчэ раз паціснулі адзін аднаму рукі і пагаварылі.
0
0
0
0
0
0
