01.07.2019 / 08:32

«Без мінулага няма будучыні. Я — беларус»: Зубр на закрыцці Еўрапейскіх гульняў прамаўляў па-беларуску 25

Фота Уладзя Грыдзіна, Радыё Свабода

Падчас цырымоніі закрыцця Еўрапейскіх гульняў на стадыёне «Дынама» з'явіўся велізарны Зубр, які нагадаў прысутным, у якой краіне яны знаходзяцца. Выступаў сімвал Беларусі на роднай мове:

«Я быў тут адвеку. Я бачыў, як адступае мора і растаюць ледавікі. Я бачыў, як кволы парастак робіцца магутным дрэвам. Я голас гэтай зямлі. Я — яе моц, яе душа. Мой дружа, памятай сваю гісторыю. Без мінулага няма будучыні. Гэта твой час. Я — беларус. Мы — беларусы», — сказаў ён.

NN.by

31
Язэп Восіпаў / Адказаць
01.07.2019 / 08:18
Як ні шыфруйся, але ўсе пазналі ў тым зубры Зянона Станіслававіча. Нарэсьце вярнуўся :)
3
Васпан / Адказаць
01.07.2019 / 08:45
Вельмі прыемна.Паважаю Зубра-Беларуса.
81
Кампетэнтны / Адказаць
01.07.2019 / 09:01
Смеху варта, калі ведаць пра сумны юбілей поўнага знішчэння папуляцыі зуброў у 1919 г. і яе аднаўленне асобінамі з еўрапейскіх запаведнікаў і заапаркаў у далейшым. Судзячы па дыме з ноздраў, гэтая галава нешта курыла і так "убачыла" свае мора і ледавікі. А Лесік, да якога яна звярталася, паводле афіцыйнай біяграфіі - іншапланетнае лісяня з казкі Антуана дэ Сэнт-Экзюперы "Маленькі прынц". Як жа Лесік, ведаючы сваю гісторыю, прызнае сябе беларусам? Без допінгу не атрымаецца.
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру