03.07.2019 / 14:09

Літва праз сухмень папрасіла Беларусь дапамагчы аднавіць узровень Віліі 31

© Saulius Žiūra

Літва папрасіла Беларусь дапамагчы аднавіць узровень ракі Віліі (Нярыс), якая працякае ў абедзвюх краінах, з прычыны рэзкага падзення ўзроўню ў выніку засухі, заявіла ў сераду Міністэрства навакольнага асяроддзя.

Міністр Кястуціс Мажэйка праінфармаваў Міністэрства прыродных рэсурсаў Беларусі аб тым, што ў рацэ Нярыс (Вілія) на тэрыторыі Літвы сітуацыя стала крытычная. Па словах міністра, зніжэнне ўзроўню вады пагражае экасістэмам, флоры і фаўне Нярыса, а таксама суднаходству ў Літве і Беларусі.

«Мы спадзяёмся, што суседзі прымуць да ўвагі сітуацыю пры рэгуляванні ўзроўню вады ў Нярысе. Яны могуць запусціць больш вады і гэтак дапамагчы воднай флоры і фаўне», — прыводзяцца ў паведамленні словы Мажэйка.

Паводле службы гідралогіі, узровень вады ў Віліі на тэрыторыі Літвы крытычна нізкі: цяпер ён на 41 см ніжэйшы за сярэдні ўзровень ліпеня і на 73 см ніжэйшы за сярэднегадавыя значэнні.

Вілія, якую па-беларуску называюць яшчэ Вялля (па-літоўску Нярыс), цячэ праз Вільню, Кернаву і ўпадае ў Нёман каля Коўна.

Ля вытокаў Віліі знаходзіцца Вілейскае вадасховішча, таму ў Беларусі ёсць магчымасць павысіць узровень вады ў рацэ, адкрыўшы шлюзы, адзначае Дэлфі.

NN.by

28
0.5 / Адказаць
03.07.2019 / 14:21
Да у нас во всей стране уровень воды в озёрах и реках ниже нормы где то в среднем на полметра. У Бога просите.
19
Кажыма праўду / Адказаць
03.07.2019 / 14:31
Трэба напаіць беларускую Віленшчыну.

Нас падзяліла чужацкая мяжа, але яднае агульнае карэнне.
95
Юстын / Адказаць
03.07.2019 / 15:04
Не даваць ім ніякай вады! Спярша Вільню няхай вяртаюць
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру