Кітайскія ўлады пачалі ўсталёўваць шпіёнскія праграмы на смартфоны турыстаў
Кітайскія мытнікі выкарыстоўваюць шпіёнскую праграму для праверкі смартфонаў турыстаў, якія ўязджаюць у краіну праз некаторыя прапускныя пункты ва Уйгурыі. Вірус скануе файлы прылады на прадмет экстрэмісцкага кантэнту, збірае даныя і перадае справаздачу ўладам, піша The Guardian.
Шпіёнская праграма скануе кантакты, паведамленні, гісторыю званкоў, запісы ў календары, а таксама спіс праграм і псеўданімы ў сацсетках. Затым праграма адпраўляе справаздачу з данымі на адмысловы сервер.
Пакуль што праграму ўсталёўваюць толькі на ўездзе ў Кітай праз мяжу з боку Кыргызстана. У турыстаў просяць разблакаваць прылады перад часовым адабраннем.
Праграму ўсталёўваюць толькі на Android-смартфоны.
Імаверна, сачэнне накіравана супраць уйгураў — цюркскага народа на паўночным захадзе Кітая. Праваабаронцы абвінавачваюць кітайскія ўлады ў імкненні асіміляваць гэту этнічную меншасць.
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26
Каментары