04.07.2019 / 17:56

Расійскі блогер Варламаў: Жадаю жыхарам Беларусіі ўмацоўваць сваю незалежнасць і перастаць вучыць нас рускай мове 54

Папулярны расійскі блогер Ілля Варламаў выказаў сваё абурэнне з нагоды таго, што жыхары Беларусі выпраўляюць слова «Белоруссия», якое выкарыстоўваецца ім, на «Беларусь».

36

Таксама яму незразумелая рэакцыя жыхароў Украіны і Малдовы на выраз «на Украине» і слова «Молдавия».

«Калі шчыра, мне не вельмі зразумела, чаму грамадзяне іншай краіны — незалежнай, самастойнай краіны — наогул вучаць мяне рускай мове. Я вось нікога не вучу ні беларускай, ні ўкраінскай, ні нават казахскай. Але абураныя чытачы паведамляюць, што так яны вядуць барацьбу за сваю незалежнасць. Нібыта «Белоруссия» — гэта калонія Расіі, а вось «Беларусь» — гэта гучыць горда. «На Украину» — гэта як на ўскраіну Расіі, а вось «у» — гэта адразу ў вялікую дзяржаву.

Дарагія мае абураныя чытачы. Я вымушаны вас засмуціць. Моцнай і незалежнай краіну робяць не вашы спробы змяніць нормы рускай мовы. Моцнай і незалежнай краіна будзе тады, калі вам будзе глыбока абыякава, хто і як у іншай краіне на сваёй мове прамаўляе назву вашай краіны», — піша Варламаў.

Блогер лічыць, што такія паводзіны з'яўляюцца праявай правінцыйных комплексаў.

«Прыставаць да ўсіх і вучыць вымаўленню іншых людзей — гэта, прабачце, якраз ад няўпэўненасці», — піша Варламаў.

У канцы блогер павіншаваў беларускі народ з Днём незалежнасці.

«У вас выдатная краіна, таленавітыя і добрыя людзі. Жадаю вам умацоўваць сваю незалежнасць і перастаць ужо вучыць нас рускай мове», — завяршыў Варламаў.

NN.by

47
HENRIK KWINTA / Адказаць
04.07.2019 / 18:01
Учы свой язык сам,лапаць!
31
Язэп Восіпаў / Адказаць
04.07.2019 / 18:18
Звычайнае хамства, што ня рэдкасьць нават для маладых і "прагрэсіўных" блогераў. Але ў адным ён правы: нас сапраўды не павінна турбаваць, як называюць нас у далёкім замежжы, у Нарыльску або ва Ўладзівастоке якім. Збольшага сьвет даўно піша і прамаўляе Belarus. Усходнія суседзі таксама падцягнуцца з часам, меньш зьвяртайма ўвагі.
42
scorpy / Адказаць
04.07.2019 / 18:20
а спадабаецца яму калi замест Россия пiсаць i гаворыць Рашка iлi замест в России гаворыць на России
Паказаць усе каментары/ 54 /
Каб пакінуць каментар, калі ласка, актывуйце JavaScript у наладах свайго браўзеру