Зяленскі прапанаваў Пуціну сустрэцца ў Мінску пры ўдзеле Трампа, Меркель і Макрона
Прэзідэнт Украіны Уладзімір Зяленскі лічыць, што замест тэлемоста з Расіяй неабходна непасрэдна размаўляць з прэзідэнтам Уладзімірам Пуціным, і ён гатовы да такой размовы ў Мінску.
Свой зварот Зяленскі запісаў на відэа.
«Я хачу звярнуцца да прэзідэнта Расійскай Федэрацыі Уладзіміра Пуціна. Нам трэба пагаварыць, давайце пагаворым. Давайце пагаворым, чый Крым і каго там няма на Данбасе».
«Я прапаную кампаніі для размовы наступнае: я, вы, прэзідэнт ЗША Дональд Трамп, прэм'ер-міністр Вялікабрытаніі Тэрэза Мэй, канцлер Федэральнай Рэспублікі Ангела Меркель, прэзідэнт Францыі Эмануіл Макрон, думаю, што Аляксандр Лукашэнка з задавальненнем возьме нас з сабой у Мінск».
«Мы не адмаўляемся ад любога дыпламатычнага фармату. Мы прапануем размаўляць. У рэшце рэшт трэба размаўляць, ці не так?»
Зеленскі ў прыватнасці раскрытыкаваў ідэю тэлемоста паміж украінскім тэлеканалам NewsOne, што належыць Медведчуку, і тэлеканалам «Расія», назваўшы яго «таннай PR-кампаніяй», накіраванай на падзел украінскага грамадства.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары