Фота з Вікіпедыі
Італьянскі плывец Філіпа Маньіні выратаваў тонучага мужчыну ля берагоў Сардзініі. Пра гэта паведамляе «Бі-Бі-Сі».
45-гадовы турыст знаходзіўся на надзіманай лодцы. Мужчына страціў раўнавагу і ўпаў. З-за нізкай тэмпературы вады ён быў не ў сілах утрымацца на вадзе.
Сябры пацярпелага пачалі клікаць на дапамогу ратавальнікаў. Але бліжэй за ўсіх да месца здарэння апынуўся 37-гадовы Маньіні. Плывец кінуўся ў ваду і выратаваў тапельца. Яго даставілі ў адну з мясцовых бальніц.
«Калі я дабраўся да яго, ён нават не мог гаварыць. Падняць яго назад на лодку было нялёгка», — адзначыў Маньіні. Ён таксама дадаў, што зрабіў тое, што павінен быў зрабіць.
Маньіні — бронзавы прызёр Алімпіяды-2004. Ён чатыры разы станавіўся чэмпіёнам свету і 17 разоў перамагаў на першынстве Еўропы.