10.07.2019 / 15:30

Рэклама на канале «Нехта» правісела 15 хвілін, перад тым як рэкламадаўца «адумаўся» і папрасіў яе зняць 12

Дзіўная сітуацыя адбылася з тэлеграм-каналам Nеxta. Пра яе «Нашай Ніве» паведаміў ягоны аўтар, блогер Сцяпан Святлоў.

 

Справа ў тым, што букмекерская кантора «Парыматч» замовіла ў канале рэкламны пост, але правісёў ён усяго 15 хвілін, перад тым як нешта пайшло не так і беларускі менеджар папрасіў Сцяпана выдаліць рэкламу. 

«Ад самага пачатку я прыняў рашэнне берагчы рэпутацыю канала: нi за якiя грошы не публiкаваць рэкламу сумнеўных кантор накшталт форэкс-брокераў, нелегальных букмекераў, «трэнiнгаў асабiстага росту», крыптавалютчыкаў i iншых «лахатронаў», а таксама порна i пiрацкага кантэнту. Так, iх шмат, i яны прапануюць гiганцкiя сумы за доступ да 140-тысячнай беларускай аўдыторыi, але рэпутацыя i давер чытачоў важнейшыя. А «Парыматч» — якраз прыстойная кантора з добрай рэпутацыяй і афiцыйнай рэгiстрацыяй, цалкам адпавядае гэтым патрабаванням. Перамовы з беларускiмi рэкламадаўцамi наогул справа складаная, надта ўжо яны баяцца дзяржавы. Але здавалася, што з «Парыматч» усё будзе прасцей — усё ж мiжнародная букмекерская сетка. Спачатку так i было — поўнае ўзаемапаразуменне. Але, як высветлiлася, запанiкаваў беларускi фiлiял «Парыматч» — менеджар па рэкламе напiсала мне, што быццам бы з iмi «не ўзгаднiлi размяшчэнне». А потым яна дадала, што «мы пазiцыянуем сабе як абсалютна апалiтычная кампанiя i iмкнёмся не размяшчацца нi ў прапрэзiдэнцкiх, нi ў апазiцыйных СМI», — расказаў Сцяпан. 

Аказалася, што рэкламу замовіў і аплаціў украінскі офіс букмекерскай канторы. 

І гэта не зразумеў беларускі бок. 

«Парыматч Беларусь» не з'яўляецца замоўцам дадзенага рэкламнага паведамлення. У выніку маніторынгу мы ўбачылі гэтую публікацыю, і гэта стала для нас сюрпрызам. Мы, як прадстаўнікі брэнда, былі вымушаныя звярнуцца да адміністратара з просьбай выдаліць публікацыі. Усе рэкламныя праекты, звязаныя са згадкай брэнда на тэрыторыі Беларусі, павінны праходзіць толькі цераз лакальны офіс і не могуць размяшчацца без нашага ўзгаднення. У прыярытэце для размяшчэння спартыўныя рэсурсы, тэлеграм-канал «Нехта» такім не з'яўляецца», — патлумачыла «Нашай Ніве» прадстаўніца «Парыматча» Хрысціна Шабанава. 

Варта дадаць, што сам блогер схільны бачыць у гэтым гульні КДБ.

NN.by

3
даведка / Адказаць
10.07.2019 / 16:04
А можно в "Париматч" сделать ставку на исход в противостоянии Nexta vs KGB и какой коэффициент? ))
6
Bratka / Адказаць
10.07.2019 / 16:12
Дзякуй украінцам за фінансавую падтрымку "Нехта"
6
меркаванне / Адказаць
10.07.2019 / 18:28
даведка, мая стаўка, што другі укакаецца змагацца. 
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру