10.07.2019 / 16:44

У Беларусі ўпершыню за 11 месяцаў зафіксавалі зніжэнне цэн

У чэрвені 2019 года цэны ў параўнанні з маем зменшыліся на 0,1%, са снежнем 2018-га выраслі на 2,9%, з чэрвенем мінулага года — на 5,7%, паведамляе Белстат. У апошні раз дэфляцыя (зніжэнне цэн) фіксавалася ў Беларусі ў ліпені мінулага года.

У маі цэны на харчовыя тавары знізіліся на 0,4% (з пачатку года — выраслі на 2,8%). Нехарчовыя тавары не змяніліся ў цане (з пачатку года — падаражэлі на 2,3%), а паслугі падаражэлі на 0,4% (з пачатку года - на 4,1%).

Каб пакінуць каментар, калі ласка, актывуйце JavaScript у наладах свайго браўзеру