10.07.2019 / 17:39

Мінсувязі: Цяпер мабільныя аператары не падключаць платныя падпіскі без вашага падвойнага дазволу 5

Мабільныя аператары ўвялі падвойнае пацверджанне інтэрнэт-падпісак, паведамляе міністэрства сувязі і інфарматызацыі.

Раней падпісацца на такія напаўмахлярскія сэрвісы можна было выпадковым клікам на банэр у інтэрнэце. Сістэма афармляла абаненту «падпіску», якой ён не карыстаўся і пра якую нават не здагадваўся, і штодня спісвала невялікую суму.

Прычым такія напаўмахлярскія сэрвісы прадастаўлялі юрыдычныя асобы, зарэгістраваныя па адным адрасе з мабільнымі аператарамі.

Цяпер для афармлення падпіскі абанент павінен спачатку пацвердзіць сваю згоду з правіламі давання паслугі, паставіўшы птушку ў адпаведнае поле. Далей яму трэба націснуць кнопку «Падпісацца і глядзець», «Глядзець» ці нешта падобнае.

І толькі калі зробленыя абодва дзеянні, прыйдзе смс аб актывацыі, кошце і спосабах выключэння.

Акрамя гэтага, паведамленні з аналагічнай інфармацыяй будуць прыходзіць абаненту, што аформіў паслугу, для напамінку аб актываванай платнай паслузе.

NN.by

11
Матёрый / Адказаць
10.07.2019 / 17:38
Давно пора. МТС достал рекламой. Велком хоть дороже но там порядок и дисциплина.
0
Скураныя крылы / Адказаць
10.07.2019 / 18:03
Ну, у асобным выпадку праблему неяк вырашылі. Але засталося незразумелае паняцце: "напаўмахлярства". Дык вось, "напаўмахлярства" - гэта сур'ёзныя недапрацоўкі нашай заканадаўчай улады. Не паспяваюць нашыя народныя абраннікі вырашаць існуючыя праблемы (пацярпелыя ёсць, а адказнасці ні ў кога няма).

0
Aндрэй Ш. / Адказаць
10.07.2019 / 18:07
Ай, маладца
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру